死啦啲青春痘!暗瘡肌膚護理小秘技

死啦啲青春痘!暗瘡肌膚護理小秘技

相關信用卡:

死啦啲青春痘!暗瘡肌膚護理小秘技

發表日期: 2016 年 06 月 30 日 更新日期: 2016 年 06 月 30 日 生活

作者:Yvone 二方

每逢大日子,例如要去旅行或者影靚相時,總係會咁不幸喺鼻尖或者面頰出現暗瘡,無啦啦紅咗一舊真係好唔好睇。呢個時候真係好想快啲殺死啲青春痘,死啦青春痘!市面上咁多隻暗瘡膏分別又係咩原理呢?除咗搽暗瘡膏,仲有咩其他方法醫暗瘡?如果本身係暗瘡皮膚,有咩要注意?暗瘡嘅都市傳說又有幾多係真嘅? 甚麼是暗瘡? 我哋身體上面有好多毛囊,有時啲毛囊塞咗,油脂就會困住喺下面,細菌會開始滋生,形成小粉刺(microcomedone)。之後佢可以變成2種情況,喺唔發炎嘅情況底下,佢會變成白頭或者黑頭;而喺發炎嘅情況下,佢就會變成一般認知嘅暗瘡。 暗瘡的成因? 暗瘡嘅成因仲未係好清楚,不過已知以下嘅因素可能會影響暗瘡嘅情況: 1.荷爾蒙 當身體嘅男性荷爾蒙水平上升,暗瘡就有機會產生。女性每個月嘅荷爾蒙水平亦都會影響暗瘡嘅情況。 2.遺傳 如果雙親有暗瘡問題,你有暗瘡嘅機會亦會提高。 3.壓力 壓力會影響我哋嘅身體運作,包括內分泌系統,影響到荷爾蒙,所以都會影響暗瘡嘅情況㗎。 暗瘡都市傳說有幾多係真? 暗瘡係因為污糟,洗多啲面會冇咁多暗瘡? 暗瘡同污糟冇關係,如果洗面洗得太密,會刺激皮膚,令暗瘡更嚴重。維持番早晚各洗一次就可以了。 只有後生仔先會生暗瘡? 雖然暗瘡係喺青春期時開始,但暗瘡問題唔單止影響年青人。唔少大人亦受到暗瘡困擾,而其中女性遇上暗瘡嘅機會大於男性,有可能係因為受到每月荷爾蒙改變嘅影響。 曬太陽可以曬死啲暗瘡? 暫時冇證據曬太陽可以治療暗瘡。 暗瘡會傳染嗎? 暗瘡並無傳染性。 暗瘡的治療 如果想解決暗瘡問題,可以先由市面上嘅暗瘡產品着手。市面上嘅暗瘡產品主要係以下成份: Benzoyl Peroxide: Benzoyl Peroxide可以殺死導致暗瘡嘅細菌,幫助移除多餘嘅油份以及死皮。市面上嘅產品Benzoyl Peroxide2.5%-10%不等。搽完可能會出現皮膚乾、甩皮、發紅等,用嘅時候要小心漂到頭髮或衣服。 Sulphur: Sulphur 可以清除阻塞毛囊嘅死皮細胞以及多餘嘅油份。佢通常同其他成份混合一齊用,例如benzoyl peroxide、salicylic acid以及resorcinol。用後皮膚或會變乾,有啲產品亦會有陣味。 Salicylic acid: Salicylic acid可以預防毛孔阻塞,搽時可能會有輕微吉吉哋嘅感覺。 如果呢啲一般嘅產品冇效,可能你要去尋求醫生嘅意見。醫生根據情況,可能會處方以下嘅藥物。 含retinoid嘅藥膏 好似tretinnoin、adapalene同埋Isotretinoin。搽咗呢隻藥膏之後,會增加曬傷嘅風險,所以要避免太陽或者搽足夠嘅防曬。準備懷孕或懷孕中婦女要記得同醫生講,因為唔同嘅retinoid有機會會影響到BB。Isotretinoin用於治療很嚴重嘅暗瘡,因為呢隻藥會帶來嚴重嘅副作用,服用時要跟足醫生指示,醫生亦會監察治療以及用藥嘅情況。 抗生素 如果暗瘡嘅情況嚴重,醫生可能會處方抗生素。抗生素可以分為口服同埋外塗,口服常見嘅有minocycline、doxycycline,外用嘅通常有erythromycin及clindamycin。懷孕及計劃懷孕女士一定要同醫生講,呢種方法未必適合你。 避孕丸 避孕丸或可以幫助女性暗瘡嘅情況,服用前要了解清楚避孕丸帶來嘅好處以及壞處。 暗瘡肌膚有咩要注意? 1.選擇暗瘡產品時從低劑量開始,咁樣可以減低藥物帶俾皮膚嘅不適。如果有需要,可以喺幾星期後增強強度。 2.暗瘡膏嘅成份透過唔同嘅方法去達到效果,可以實驗吓邊隻產品對自己有效,或者可以試吓用唔同嘅產品去對付頑強嘅暗瘡。 3. 暗瘡膏唔係仙丹,唔係今日搽聽日粒暗瘡就會冇咗,可能需要幾個月每日咁keep住用先見到效果,要有耐性啊~ 4.用一個溫和嘅潔面產品,同埋唔好過份清洗同過份捽佢,可能會令暗瘡更嚴重。 5.暗瘡產品使用足夠就可以了,用得過多可能會令皮膚乾燥。 6.選擇護膚品或化妝品時可以揀啲「non-comedogenic」,即係唔會做成粉刺嘅產品。 7.避免經常觸摸面部,擠壓暗瘡或會留下疤痕。 產品介紹: 日本白兔牌暗瘡膏

產品簡介: 日本白兔牌暗瘡膏是一隻易搽、不黏及透明的藥膏。佢可以幫助排出皮脂、吸收過餘皮脂以及消炎殺菌嘅功用。 使用方法: 先將臉部清潔洗淨,再在暗瘡周圍塗搽藥膏。每日2至3次將適量藥膏塗於患部。休息或睡前使用,效果更佳。

Resorcinol (間苯二酚)有殺菌作用,亦可用來處理硬化粗躁嘅皮膚。Glycyrrhetinic acid (甘草次酸)則有消炎嘅效果。 曼秀雷敦Acnes 藥用暗瘡啫喱

產品簡介: 含2.5% w/w Sulfur, 治療暗瘡;能軟化角質,促進老舊角質快速剝落。 使用方法: 潔面後將啫喱塗於暗瘡部位,每日使用一至三次。

OXY快治暗瘡露10號

產品簡介: OXY快治含Benzoyl Peroxide,為美國FDA公認最安全及有效的治療暗瘡成分之一,廣受皮膚科醫生推薦,能消炎殺菌,快速令暗瘡凋謝;並有效溶解角質,抑制多餘油脂分泌,預防毛孔閉塞,有效預防暗瘡形成。 使用方法: 用時需搖勻。最初使用一次,逐漸加至每日兩次或依醫生指示。

星期四茶樹 茶樹治療啫喱

產品簡介: 適合初起暗瘡粉刺,有效抑制及預防暗瘡粉剌形成,透明啫喱軟膏能快速滲入皮層,不影響日常儀容及妝容,有效枯乾暗瘡。 使用方法: 潔面後,塗抹少量於患部,早晚一次。

除咗benzoyl peroxide同sulphur,都有唔少人會選擇精油成份如茶樹油去對抗暗瘡。茶樹油對輕微至中等程度嘅暗瘡或有療效。佢對比起benzoyl peroxide可能作用較慢,但對皮膚嘅刺激較低,不過亦唔係個個啱用,有啲人可能會出現痕癢發紅,用之前最好先小範圍測試一下。 產品總結:

如果習慣去連鎖個人護理用品店買個人護理用品,可以用以下信用卡: 用恒生enJoy卡,每月1號以及20號去萬寧消費都有95折。 由即日起至2016年6月30日,以DBS COMPASS VISA於指定類別簽賬(包括於屈臣氏、萬寧、759KAWAIILAND消費),可享5X COMPASS Dollar。

相關文章

信用卡百貨公司優惠 HKTVmall信用卡優惠合集 叫外賣、Call的士本地網上消費信用卡優惠