支付寶HK Alipay HK 信用卡 轉賬 付款 兌現 教學

支付寶HK Alipay HK 信用卡 轉賬 付款 兌現 教學

相關信用卡:

支付寶HK Alipay HK 信用卡 轉賬 付款 兌現 教學

發表日期: 2018年3月7日 更新日期: 2018年3月7日 儲里數攻略現金回贈信用卡生活教學

作者:卡小姐

支付寶HK Alipay HK 信用卡 積分

暫時DBS、Citibank、建行(亞洲)、大新、交銀、富邦都會有信用卡積分。

Alipay HK信用卡積分詳細列表,同埋Alipay HK而家做緊嘅優惠詳情,請睇呢篇:

電子錢包AlipayHK信用卡優惠合集+使用教學

 

支付寶HK Alipay HK 信用卡 加卡

打開支付寶HK App之後,撳「我的」就會見到「信用卡管理」,然後選擇「新增信用卡」,就可以加信用卡,但最多只可以綁定5張信用卡。

支付寶HK Alipay HK 信用卡 付款 轉賬

喺支付寶HK綁定信用卡後可以用信用卡轉賬或喺商戶畀錢,而且轉賬唔駛面對面都做到。

以信用卡付款:

只要打開支付寶HK App,喺頁面揀「付款」,然後畀商戶掃描QR Code就可以。

支付寶HK Alipay HK 轉賬 教學

之前要透過掃描QR Code先可以用支付寶轉帳畀朋友,但依家支付寶HK推出咗「轉賬」功能,只要輸入人哋嘅電話號碼或email就可以轉賬。

透過「轉賬」功能 以信用卡轉賬:

喺支付寶HK撳「轉賬」後,輸入收款人嘅支付寶HK賬戶,即係email或電話號碼,然後可以輸入金額,下一步就可以揀支付方式,確認後輸入支付密碼就可以轉賬,而對方收到嘅錢會直接存入賬戶。

支付寶HK 轉賬

 

支付寶HK轉賬

 

透過QR Code 以信用卡轉賬:

想喺支付寶HK轉賬畀其他人都好簡單,只要打開「掃一掃」,就可以掃描對方嘅QR Code或者選擇QR Code圖片。掃描完之後可以選擇支付方式,揀以信用卡畀錢。

支付寶HK Alipay HK 兌現 教學

想喺支付寶HK App提款返去銀行,喺「我的」裡面撳「餘額充值」,再撳「兌現」,就可以將其他人轉賬畀你嘅錢轉返入銀行。依家暫時冇提款上限,但要留意一日兌現次數最多10次。

支付寶HK Alipay HK 上限

支付寶HK有唔同認證級別,中級認證需要畀身份證件副本,高級認證要畀另外嘅身份證件同埋住址證明,而轉賬上限同收款上限只分為未認證同已認證。

未認證 中級認證 高級認證

付款方

單次交易 限額 $2000 $5000
單日交易 限額 $3000 $10000 $20000
單年交易 限額 $25000 $100000 $200000

賬戶結餘

$3000 $100000 $100000
收款方 單年交易 限額 $25000 $100000 $200000
賬戶結餘 $3000 $100000 $100000
能否使用 轉數快 不能 可使用 可使用

支付寶HK Alipay HK 手續費

轉賬方面,暫時只有信用卡轉賬要畀支付寶HK手續費,而餘額轉賬同埋兌現返去銀行都唔駛畀手續費。

未認證客戶,每月以信用卡轉賬,每個賬戶每月首$500免費,之後就會收手續費,中銀信用卡要畀1.5%,其他信用卡手續費係3%。

不過溫馨提示,
1.每年上限係以1月1號至12月31號咁計
2.信用卡積分係以目前去計,條款隨時會改
3.如有爭議,一切以支付寶HK最終決定為準