搞奧運,賺定蝕?

搞奧運,賺定蝕?

相關信用卡:

搞奧運,賺定蝕?

發表日期: 2016 年 08 月 12 日 更新日期: 2016 年 08 月 12 日 生活

作者:任以風

四年一度的奧運會終於開始,巴西里約奧運在深受寨卡病毒影響、貪污及經濟衰退的局面下開幕,開幕前里約大批人民上街示威,申訴奧運花費巨大,而且官員貪污嚴重,無利市民。從過往經驗,搞奧運的主辦國,通常係賺定蝕?

曾幾何時,搞奧運只係一個形象工程,更加係一個容易蝕錢的項目,最經典例子係1976年加拿大蒙特婁搞奧運,虧損超過15億,還債還足30年先還完。直到1984年洛杉磯奧運,在奧運商業之父尤伯洛斯,用商業模式運作奧運會,好似提高贊助商門檻及電視轉播費用等招數,最終創下2.25億美元盈利,之後漢城、巴塞羅拿奧運照辦煮碗同樣獲利,從此奧運成為搶手項目。
主辦國點靠奧運賺錢?其實都不外乎高價出售電視轉播權、商業贊助、門票同衍生品等等,當中電視轉播費及指定合作伙伴贊助費通常已經超過整個奧運的一半直接收入,仲未計靠奧運帶動嘅旅遊相關收入,奧運期間主辦國仲成為世界焦點,名利雙收。
不過搞奧運是否穩賺?又未必,要視乎主辦城市規模同投入幾多費用而定,例如興建新場館,又或投資其他硬件配套,都可能係一筆大數目。睇返近年奧運,2000年悉尼、08北京及12年倫敦都能靠奧運賺錢,唯獨04年雅典奧運,支出嚴重超支,令希臘政府債務雪上加霜,現時許多比賽場地都已經荒廢埋。
今屆里約奧運最終花費近46億,超支5成,雖然超支率51%對比倫敦奧運為少,但有指里約奧運帶來的任何直接同旅遊收益,都不能將現時經濟衰退的巴西解救出來。所以話,奧運會其實係一個「奢侈品」,唔係個個城市都搞得起。