我幾時先應該買樓!
我幾時先應該買樓!
相關信用卡:

我幾時先應該買樓!

發表日期: 2016 年 02 月 17 日 更新日期: 2016 年 02 月 17 日 生活
作者:高俊權 (高sir)

<高Sir隨筆> : 隨著本港樓市在去年9月見高位後, 本地樓市價格在港股急挫, 外圍經濟衰退下出現高位回落, 中原領先指數反映了本港樓價下跌表現, 反映港島區樓價走勢的中原領先指標, 由去年高位一度達150跌至本月約130水平, 指數的下跌, 正反映了樓價由歷史高位回落, 並下行速度較急, 指出了投資者或買家於現階段入市意慾正不斷下降.

 

網上有篇神文, 諷刺大部分未有上車的香港人, 由沙士一直找理由比自己唔入市買樓, 結果錯過了一個又一個浪, 眼看別人因樓價升幅而致富, 卻一直不停為自己未有置業而辯護, 網上神文中, 描寫了2046年後, 至死亡一刻, 都因為種種原因而「唔買樓」, 其實一針見血, 講得幾岩!

「嗱」! 大前題是, 你必須為「想買樓」的一群, 而不是講緊想「投資」的一群! 有人問, 這樣有分別嗎?

父母的一輩, 總認為樓是自住之物, 死都有磚頭最安全! 父母的前一代, 即我們爺嫲的年代, 如果你問, 佢地認為點樣既財富為之安全? 佢會話: 「你把財富放係個鐵罐度, 储夠一定數量將錢變為黃金, 再放番係個鐵罐度, 過幾十年後, 就係最安全」!

當然, 今天聽起來是一個爛gag, 祖父母的一輩, 所面對的環境, 或許把錢變黃金, 再放入鐵罐, 的確是最安全的做法! 環境在每個年代都會轉變, 父母們一直叫我們死都買番間屋, 渣磚頭唔會死之類~ 或許, 在那些年的確沒有錯誤, 但今天環境改變了, 如果你是年青一群, 你或許不同多方面的思維, 去令財富增值, 而非必要用一個倍大幾十倍槓桿的方法, 把自己鎖上30年的人生, 但如果你有一個「想
買間屋」的諗法, 你必須攪清楚以下幾點,

1. 入市的時間
2. 你買間樓係自住定投資
3. 樓價跌幾多為入市時間.
4. 持有中長線心態, 還款能力等  
5. 你份工做得長唔長.

以上五大點你要攪清楚, 便可評估一下自己幾時 「去買樓」了!

1 answer: 入市時間 - 2008年你用1成首期買房, 2010年你再用2成首期出黎買房, 一直放租由租cover供, 今日是你放貨時間, 樓市點跌都未到你買入價. 財富增值了! 反之, 2012年按揭收緊, 你用了3成首期買房, 到2014年, 你拼盡本金買多一間, 把其中一間放租. Sorry, 前者買樓是成功讓財富增值的成功指標, 但你卻攪到自己一身蟻, 因為今天房價/租金回落, 你房產沒有增值之餘, 正面臨樓市爆破的壓力, 整体上為之失敗.

2 answer: 「自住樓唔怕跌」, 只是上世代人的心態, 情況就好似阿嫲話放錢去個罐一樣, 你層樓係你資產, 他日, 你生意要錢周轉, 你家人要錢渡難關, 又或你不幸離婚又好, 分手又好, 你套番層樓都要東山再起, 你層樓如果話自住唔用理升跌問題, 咁等同你把幾百萬扔去海一樣咁無知.

3 answer: 樓價跌幾多入市, 你要記住買樓同買股一樣, 冇一個人可以成功撈底, 一切只係睇價值, 個價格回番到2014年, 之後2012年, 甚或2008年, 已經由高位累積一定跌幅, 到價值吸引, 你認為呢個價買入, 5-10年後就可升值便可以入手, 一切跌三成, 跌五成, 或跌七成才見底入既, 等如你買股票就要$0.01先肯入一樣, 有病的.

4.answer: 買樓心態, 今天冇「樓花」可以炒, 貨又冇得「摩」, 政府已經係逼緊你把買樓做長線投資, 如果你仲話買層樓, 半年後樓價可升幾多成, 一年後放貨等, 只是突顯你對買樓一切雜費, 以及按揭等知識的無知. 去買本書修行下先同人講好了.

5. answer: 份工. 你要供樓, 要避免的唯一係背後資金厚, 另, 一就係份工要穩定, 唔好有病到以為今年股票你賺幾十個, 就以為自己為王者, 你持續每年都正增長, 才可支持你去供.

除非.. 你一炮過買一間, 咁另計.