想要古銅色肌膚其實唔難!曬唔曬一樣得

想要古銅色肌膚其實唔難!曬唔曬一樣得

相關信用卡:

想要古銅色肌膚其實唔難!曬唔曬一樣得

發表日期: 2020 年 05 月 18 日 更新日期: 2020 年 05 月 18 日 生活

作者:編輯部

夏天又係去沙灘享受陽光同大海嘅時機,去得沙灘梗係唔少得歎吓日光浴。一邊廂有人好想去沙灘好怕曬黑,另一邊廂就有人好想曬得一身古銅色肌膚,但曬極都唔滿意。原來要一身健康古銅色肌膚唔使摶命曬,有產品可以幫你輕鬆得到古銅色。今日我哋就睇吓黑鬼油產品嘅功用同埋使用嘅小貼士啦!

首先我哋了解吓點解我哋會曬黑先!當我哋嘅皮膚受到陽光或者紫外線照射嘅時候,身體嘅黑素細胞(melanocyte)會產生黑色素(melanin)。當皮膚受到UVA照射時,黑色素會氧化,會變得深色同埋重新分佈過,令皮膚顏色加深,但總體黑色素嘅數量並冇增加。而當皮膚受到UVB照射時,黑色素嘅產生會增加,不過皮膚變深呢個效果要2-3日先會睇得到,呢個膚色都可以維持幾個星期至幾個月不等。

市面上有啲黑鬼油就係透過呢個原理等大家曬黑,呢啲產品通常只會提供一個低數值嘅SPF保護。無論用太陽油或者黑鬼油也好,我哋都要最少2個鐘頭補搽一次。

產品介紹:

Hawaiian Tropic Original Dark Tanning Oil

Hawaiian Tropic UVB/SPF 4 Tanning Lotion

Coppertone Tanning Lotion Sunscreen, SPF 15

過量地曬太陽或接觸紫外線會增加患皮膚癌嘅風險,亦會引致皮膚灼傷以及肌膚提早老化,所以有啲產品可以令你唔使曬太陽都可以有古銅色嘅肌膚,呢啲產品叫做免日光助褐(sunless tanning)。呢類產品可以令皮膚暫時添上一層顏色。通常佢哋都會用到焦糖(caramel),亦會用到二羥丙酮(dihydroxyacetone/DHA)令皮膚上色。DHA係一個由植物抽取嘅糖分子,佢會同皮膚角質層內嘅胺基酸產生化學作用,呢個作用叫做梅鈉反應(Maillard reaction),會令皮膚喺唔使UV嘅情況下產生色素嘅轉變。呢個反應所產生嘅係類黑色素(melanoidins),當DHA搽咗上皮膚之後,大約需要2-4個鐘去開始變黑,個過程可以維持24-72個鐘。DHA係防水防汗,所以一般沖涼唔會沖甩咗佢,呢層顏色會隨住正常嘅表皮更換,大約3-7日會慢慢變淡。

用呢類sunless tanning嘅產品時,都有啲貼士可以令出來個效果更自然更好睇㗎!
1. 首先用呢類產品前,同身體做咗去角質同剃毛先,咁樣都可以令個顏色更加均勻。
2. 用產品前可以喺較乾嘅位置搽少少乳液,咁樣會冇咁易令啲色素聚埋喺啲乾紋嗰度。
3. 搽喺面上嘅份量要比身體少,咁樣出來個顏色會自然啲。
4. 手掌紋又係色素好鍾意聚埋嘅地方,所以用產品之前應先戴手套。
5. 搽產品時應該以打圈方式去搽,咁就可以避免出現一條條嘅顏色。
6. 最後除低手套用手背互相磨擦搽上產品,要避免手掌沾上產品。
7. 每日同身體搽乳液會令個顏色keep得耐啲。
8. 要避免長時間浸喺水或同身體做去角質,會加速色素減淡。
9. 當色素減淡要重新使用產品時,記得同身體去角質再上色,咁樣啲顏色先唔會一笪笪。

佢哋有cream有lotion有gel有噴霧,建議新手可以用cream或lotion先,因為較易控制,gel比較快乾,適合有經驗嘅人士用。噴霧就要避開眼鼻口位置,亦要避免吸入。

產品介紹:

Coppertone Gradual Tan Sunless Tanning Moisturizing Lotion 

Banana Boat Sunless Tan Lotion, Dark

Banana Boat Sunless Tanning Spray, Citrus Mist 

L'Oreal Paris Sublime Bronze Tinted Self-tanning Lotion, Deep Natural Tan

同大家來個小總結:

從以上嘅比較可以見得到,除咗防曬同助褐嘅成份之外,唔少都會加入補濕或滋潤嘅成份如蘆薈葉抽取物、礦物油、椰子油等等。喺日曬嘅過程入面,皮膚會變得乾燥,所以呢啲成份都可以幫助皮膚舒服啲。要注意免日光助褐嘅產品都冇防曬保護,出街前記得要搽番足夠嘅防曬產品去保護自己啊。

行出街都唔係好覺有黑鬼油嘅產品,都係得比較出名嗰一、兩隻,可能香港人都係覺得「一白遮三醜」掛。不過我就發現上網買都其實好方便,Amazon同Gmarket都有唔少選擇,但就要揀番間寄來香港嘅,有興趣嘅人不妨上網站睇吓。

揀好黑鬼油,上網買記得用網購回贈多嘅信用卡,平好多㗎!