剛剛連續打咗兩次風，航班Delay又取消，打亂咗好多人嘅旅程。如果有買旅遊保險，呢個情況一般都有得賠，不過賠償條款就個個保險計劃唔同。嚟緊好似話又有個風會形成，隨時又打到嚟，撞啱嗰段時間出發，買定旅遊保險求個保障。
Delay時數不盡相同
如果遇上惡劣天氣而令航班出發或抵達時間超過指定時數，就可以向保險公司索償。一般超過6小時就有得賠，不過亦有啲Plan由5小時開始起計。當然，如果要向保險公司索償，記得問航空公司拎航班延誤證明文件。
| 單次旅遊保險旅程延誤保障比較 | ||
| 保險 | 起計時數(小時) | 保障 |
| 中銀信用卡 X 中銀集團保險 | 8 | $250 (每8小時) 上限$2,000 |
| 恒生信用卡 X 昆士蘭保險 (地區2/3/全球) | 6 | $250 (首6小時) $200 (其後每8小時) 上限$2,000^ |
| Citi信用卡 X AXA (標準/典雅計劃) | 6 | $250 (每6小時) 上限$2,000 |
| Citi信用卡 X 蘇黎世保險 (標準計劃) | 6 | $300 (每6小時) 上限$3,000 |
| 安信 X MSIG | 8 | $250 (每8小時) 上限$2,000 |
| AIG (超卓計劃) | 5 | $300 (首5小時) $700 (其後每10小時) 上限$2,000^ |
| 藍十字 全球計劃 (尊尚計劃) | 6 | $300 (每6小時) 上限$1,500 |
| 藍十字 全球計劃 (智選計劃) | 6 | $300 (每6小時) 上限$900 |
| FWD (計劃A) | 6 | $300 (每6小時) 上限$2,500 ^ |
| FWD (計劃B) | 6 | $300 (每6小時) 上限$600^ |
| 保誠 旅遊樂 | 5 | $200 (首5小時) $400 (其後每8小時) 上限$1,800^ |
| ^如同時有額外酒店及/或交通支出，只可選擇其中一項賠償 | ||
滯留交通費住宿費實報實銷
如果返香港時因為航班延誤，要留喺外地而導致額外嘅交通費同住宿費，部分保險都有得賠。賠償係實報實銷方式，有啲Plan交通費同住宿費有各自嘅上限，有啲就夾埋計一個限額。但要留意，有啲Plan只可以喺Delay時數賠償或滯留額外費用報銷之間二選一嚟Claim。
另外，如果因為航班延誤，而過咗已預訂酒店嘅入住日子，都有得賠。
睇返保障範圍，安信 X MSIG同AIG表面上係冇提過有滯留保障，不過睇返詳細條款：
安信 X MSIG喺「第 4 節 - 行程延誤及行程誤點」嘅「4.2 行程誤點」提到：
「...如「閣下」必須以其他路線返回「香港」，「本公司」將支付此等必須和合理的額外「公共交通工具」及住宿費用，最高賠償金額為港幣 2,500 元，惟於本條款下，最高賠償額不應超過「保障項目表」所示本節之最高金額。」
AIG喺「第 4 項 - 旅程阻礙保障」嘅「4b. 旅程中斷 」亦提到：
「(2) 更改旅程 若受保人於開始其受保旅程後因目的地突然爆發公共交通工具機構員工罷工、暴動或民亂、惡劣天氣、天然災害或廣泛性爆發傳染病，本公司將以不超過保障權益表內之最高賠償額賠償受保人因要繼續前往原本包括於受保旅程目的地而引致額外合理的交通及/或住宿費用。」
定義似乎同滯留有啲分別，有冇得賠就要問清楚保險公司。
| 單次旅遊保險旅程延誤額外住宿 / 交通保障比較 | ||
| 保險 | 住宿 | 交通 |
| 中銀信用卡 X 中銀集團保險 | $4,000 | |
| 恒生信用卡 X 昆士蘭保險 (地區2/3/全球) | $10,000^ | |
| Citi信用卡 X AXA (標準/典雅計劃) | $2,000 | $5,000 |
| Citi信用卡 X 蘇黎世保險 (標準計劃) | $2,000 | $5,000 |
| 安信 X MSIG | $2,500* | |
| AIG (超卓計劃) | $20,000* | |
| 藍十字 全球計劃 (尊尚計劃) | $2,000 | $10,000 |
| 藍十字 全球計劃 (智選計劃) | $2,000 | $2,000 |
| FWD (計劃A) | － | $10,000^ |
| FWD (計劃B) | － | $2,500^ |
| 保誠 旅遊樂 | $20,000 | |
| ^如同時有旅程延誤，只可選擇其中一項賠償 | ||
| *或不適用於滯留賠償。 | ||
取消旅程賠償只限特殊情況
天氣唔好，有人會因為安全考慮而取消行程。不過如果只係因為個人意願決定取消，係冇得賠嘅。條款入面通常都會列明，喺幾種特殊情況下，例如：
－直系親屬、密切商業夥伴或旅遊夥伴身故、嚴重受傷或患上嚴重疾病
－出庭作證、做陪審員或被強制隔離
－香港主要住所因火災、 水淹或天然災害導致嚴重損毀而需要善後
－出發前目的地爆發公共交通工具機構員工罷工、傳染病、暴動、或發出黑色外遊警示
幾時買旅遊保險好？
好多人都係出發前兩、三日先買，其實根據條款，有啲保障係喺出發日期前指定日數係計，例如取消旅程就計出發日期前7日內，如果提早買咗旅遊保險，臨出發前兩日目的地有自然災難或惡劣天氣之類而要取消行程，已經訂咗嘅酒店、活動門票、入場券都會有得賠。但如果發生事故之後先買，自然就冇得因為取消行程而索償。
信用卡買旅遊保險有折
有啲信用卡買指定旅遊保險會有折，亦會有額外獎賞。
中銀 X 中銀集團保險有2X積分，保費$200或以上有3X-8X積分，視乎卡種。
恒生 X 昆士蘭保險保費$250或以上有20X-30X Cash Dollars，視乎卡種。
安信 X MSIG單次旅遊保險送KFC $20現金券
另外買AIG旅遊保險可以儲Asia Miles里數，單次旅遊保險$2=1里數、全年旅遊保險$1=1里數。
幫襯藍十字可以登記埋藍十字「至醒會」，每$1保費儲1分，每1,000分可以換200里數，即係$5=1里數。
而FWD就同香港電訊The Club合作，買旅遊保險 (單次旅程) 可以賺50 Club積分，而每300 Club積分可以換300里數，自動轉換就係每100分換100里數，都係1分=1里數。
| 單次旅遊保險價錢比較 (日本5日行程) | ||
| 保險 | 原價 | 優惠價 |
| 中銀信用卡 X 中銀集團保險 | $107 | $86.67 (81折) |
| 恒生信用卡 X 昆士蘭保險 (地區2/3/全球) | $171 | $128.2 (75折) |
| Citi信用卡 X AXA (標準/典雅計劃) | $166 | $116.2 (7折) |
| Citi信用卡 X 蘇黎世保險 (標準計劃) | $160 | $112 (7折) |
| 安信 X MSIG | $146 | $87.6 (6折) |
| AIG (超卓計劃) | $132 | － |
| 藍十字 全球計劃 (尊尚計劃) | $278 | $180.70 |
| 藍十字 全球計劃 (智選計劃) | $170 | $110.50 (會員價65折) $119.00 (優惠價7%折) |
| FWD (計劃A) | $215 | $172 (優惠碼8折) |
| FWD (計劃B) | $155 | $124 (優惠碼8折) |
| 保誠 旅遊樂 | $149 | － |
全面比較條款再作選擇
旅程延誤同額外交通/住宿保障只係買旅遊保險考慮因素其中一部分，其他例如醫療保障、緊急醫療支援、財物損失、高危活動保障等等、都需要一併考慮。買之前記得比較下唔同計劃嘅條款，揀一個啱自己嘅Plan。
Citi信用卡詳情按此
安信信用卡詳情按此
恒生信用卡詳情按此
限時優惠：
【申請DBS Black World MasterCard賺12X DBS$及$150禮券及520里！】
【經HongKongCard申請美國運通I.T Cashback卡，可額外獲贈$200禮券】
【經HongKongCard申請WeWa卡，額外享$200現金回贈】