奶茶下架驚魂？食物安全知多啲

近日有新聞報導台灣人氣飲品純萃喝喺香港便利店下架，引起一陣不安，以為產品入面有咩危險物質，其實今次嘅事件係純萃喝產品入面添加咗茶胺酸(L-Theanine)。呢隻添加物喺台灣係冇問題嘅，不過喺新加玻就唔喺許多添加物入面，所以新加玻就將產品下架，而香港亦跟隨新加玻做法。其實茶胺酸(L-Theanine)係一種喺茶葉中會搵到嘅物質，正常食用情況下大致安全無害，所以大家可以放心。只不過經過今次事件，食安嘅問題好似又一下子多咗好多人關心，到底食安問題大家了解幾多？今日我哋一齊了解多啲，等唔使下次又虛驚一場。

選擇食物嘅時候有好多方面要考慮到，首先當然會考慮到佢嘅營養價值，睇下係唔係健康嘅食物，不過同時我哋亦都要睇下食物嘅安全情度，例如食物中嘅添加劑以及食物有冇受到污染等等。食物好多時候都會加入唔同嘅添加劑，令食物更加安全、美觀及穏定等等。常用嘅食物添加劑包括防腐劑、抗氧化劑、甜味劑、染色料、增味劑、增稠劑及乳化劑等。雖然一般來講食物添加劑唔會帶來好大嘅問題，不過如果長期過量攝取可能會對健康構成影響。聯合國糧食及農業組織∕世界衞生組織聯合食物添加劑專家委員會會蒐集以及分析有關食物添加劑嘅科學數據，並作出建議。有啲人亦會對某些食物添加劑敏感，所以大家對呢方面都要多啲認識啊！

今次事件嘅起因係茶胺酸(L-Theanine)喺台灣係許可嘅添加物，而喺新加玻就唔係。咁香港嘅許可添加物可以喺邊度查閱呢？大家可以參考以下嘅條文：
(1) 《 食物內染色料規例 》 ( 第 132H 章 )
(2) 《 食物內甜味劑規例 》 ( 第 132U 章 )
(3) 《 食物及藥物 ( 成分組合及標籤 ) 規例 》 ( 第 132W 章 )
(4) 《 食物內防腐劑規例 》 ( 第 132BD 章 )

其實之前台式飲料都曾經引起恐慌，就係因為起雲劑。起雲劑喺屬於添加劑嘅一種，係一種乳化劑，通常添加喺果汁或者飲品中。佢可以令食物中嘅兩相或多相物質形成或保持在均質乳化液嘅狀態，加喺飲品度可以令賣相更自然。起雲劑通常係由阿拉伯膠、乳化劑、棕櫚油及多種食物添加劑混合製成。既然佢係一種食物添加劑，咁點解要驚呢？原來有啲商人為咗減底成本以及增加穏定性，將鄰苯二甲酸酯類嘅塑化劑（例如DEHP和DINP）代替其他食物添加劑去製造起雲劑，而呢類塑化劑係唔可以用作食物添加劑。

除咗添加劑，食物仲有可能受到其他來源嘅污染而變得唔安全。有時候唔係刻意加入有害物質，啲污染物可能係由天然途徑、環境污染或生產過程中產生，例如砷呢隻物質，我哋喺食用海產尤其係貝類時就有機會攝取到。砷可分為有機砷、三價無機砷和五價無機砷三種形態，大多數嘅砷化合物都可以溶喺水度，所以砷常見於海產，不過喺食物中攝取砷嘅水平一般唔會危害健康。又例如核事故可能會令食物受到輻射污染。

另外，食物都可能會受到細菌、寄生蟲、毒素等污染。細菌如李斯特菌、沙門氏菌以及霍亂弧菌等。食淡水魚時亦要小心受到寄生蟲感染，如果進食未煮熟嘅淡水魚，可能會受到中華肝吸蟲感染。香港嘅腸道寄生蟲感染個案超過8成都係由中華肝吸蟲引致，中華肝吸蟲可令肝臟嘅膽管梗阻、發炎和出現癌症。食淡水魚時記得要徹底煮熟先好食啊！

想食得安心又放心，喺選購食物時記得睇清楚食物標籤，睇下有冇敏感嘅食物添加劑，亦要時常留意住食物安全嘅新聞，留意住會唔會有食品受到影響。

食物添加劑消費者指南可以去<呢度>睇。

由即日起至2016年9月30日，客戶憑渣打/MANHATTAN信用卡於全港惠康超級市場、Market Place by Jasons、Jasons  • Food & Living、ThreeSixty或Oliver's the Delicatessen分店、惠康為您送或Market Place by Jasons網上品味超市簽賬滿指定金額，可享即減折扣優惠。
信用卡優惠詳情可以去<呢度>睇。