夏日必備止汗劑 你可能不知道的小知識

夏日必備止汗劑 你可能不知道的小知識

相關信用卡:

夏日必備止汗劑 你可能不知道的小知識

發表日期: 2016 年 06 月 13 日 更新日期: 2016 年 06 月 13 日 生活

作者:Yvone 二方

Hello大家好!我係新來嘅編輯Yvone~我會同大家分享有關藥物、美妝同埋健康小物嘅資訊㗎!

呢啲天氣一出街,真係可以熱到由頭到腳都濕晒,去到啲多人嘅地方,嗰陣汗味都幾尷尬,所以唔少人都會選擇用止汗劑。你又了解日日用嗰支止汗劑有幾多?

市面上嘅止汗香體產品其實分為兩類,分別係止汗劑以及除臭劑。止汗劑(Anti-perspirant)可以抑制汗水分泌,而除臭劑(Deodorant)係以減少體味為目標,有啲產品會以香水去遮蓋體味,並冇抑制汗水嘅功效。止汗劑常見嘅成份係鋁鹽(Aluminium salts),當佢哋吸收咗汗水或者身體嘅水份之後,就會暫時堵塞汗腺嘅出口,減少排汗嘅情況。止汗劑亦都會因應唔同嘅用途加入相應嘅成份,例如酒精、香水、皮膚調節劑以及如Parabens類防腐劑等等。

市面上嘅止汗香體產品真係多到眼花瞭亂,今日就睇吓幾款止汗噴霧各自嘅特色同賣點啦。

實際價格以各零售點為準。

Dove輕柔嫰肌止汗系列

NIVEA低敏純淨止汗系列

NIVEA輕爽柔嫩止汗系列

NIVEA淨白止汗系列

Rexona高效抗菌系列

Rexona香水精華止汗系列


雖然止汗劑可以幫到我哋減少尷尬嘅情況,不過用嘅時候都要注意以下幾點:

1・用止汗劑時唔好大範圍噴晒
因為使用咗止汗劑嘅部份會減少咗排汗,身體為咗調節體溫,會喺其他部份度排出較多嘅汗水,呢個叫代償性出汗。如果身體好大部份嘅位置都用上止汗劑,咁身體就難以散熱喇。
2・如果皮膚有破損,嗰個位置就唔好用止汗劑喇
如果皮膚上有傷口,止汗劑嘅成份接觸到傷口可能會做成不適。你見到有人會話剃完毛唔好用止汗劑就係咁解喇,剃毛嘅時候可能會做成細傷口,再用止汗劑皮膚可能會唔舒服。
3・喺身體乾爽時用止汗劑係較有效
如果啱啱用完止汗劑就搞到周身大汗,止汗劑嘅成份可能會被汗水沖走,咁就會冇咁有效。最後係身體皮膚乾爽時用,例如夜晚沖完涼後,效果會比較好。

之前有傳言話用止汗劑,入面嘅鋁鹽成份同埋Paraben防腐劑會引致癌症,其實到依家為止,仲未有有力證據證明兩者有關係。如果皮膚係比較敏感,可以先喺手臂內側使用少量產品睇吓有冇過敏反應。如果喺使用產品時有任何不適,就應該停止使用喇。

如果習慣去連鎖個人護理用品店買止汗香體產品,可以用以下信用卡:
恒生enJoy卡,每月1號以及20號去萬寧消費都有95折。
由即日起至2016年6月30日,以DBS COMPASS VISA於指定類別簽賬(包括於屈臣氏、萬寧、759KAWAIILAND消費),可享5X COMPASS Dollar。