台灣高鐵 站站有野玩!(上)

台灣高鐵 站站有野玩!(上)

相關信用卡:

台灣高鐵 站站有野玩!(上)

發表日期: 2016 年 03 月 17 日 更新日期: 2016 年 03 月 17 日 旅遊

作者:雅軒


台灣高鐵 站站有野玩!



台灣高速鐵路全線共設置12個車站,南港站(興建中)、台北站、板橋站、桃園站、新竹站、苗栗站、台中站、彰化站、雲林站、嘉義站、台南站、左營站。目前已經有11個車站啟用營運,另外個1個車站就係2016年7月15日先用得。
等雅軒逐個站講下有咩推介啦~
上集先講台北站、板橋站、桃園站、新竹站、苗栗站同台中站~

台北站
台北站係高鐵、台鐵、捷運三鐵共構的車站,轉車去其他地方好方便。
我諗台北景點多到可以打多一篇黎講~不過今次雅軒只介紹重點!去圖啦~

木柵動物園然後順便去貓空山搭貓空纜車,其實貓空山先係重點,因為可以看到台北的全景,在黃昏時搭乘仲可以睇埋夕陽西下的景色~
北投浸溫泉行地熱谷公園、溫泉博物館、梅亭,浸溫泉平平的有大眾池,貴少少可以去湯屋。

西門町-必行必食,不過成街都係香港人

士林夜市-多人識到唔洗再講


饒河夜市-必食世祖胡椒餅

板橋站
到了板橋站,可以轉台鐵列車,去基隆或者宜蘭、花蓮方向的東部幹線,想點玩都好方便。
板橋站附近平日有藝文展覽、假日有表演活動,仲有適合情侶約會的公園散步~

板橋435藝文特區-新古典風格建築、復古長廊、月光廣場,仲有不定期的週末表演,有演奏會、戲劇演出、電影等

新月橋-435藝文特區行到去,夜晚好靚~

板橋新站購物中心-遠東百貨、大遠百MegaCity購物中心及威秀影城

桃園站
桃園除咗機場都有幾多景點~

桃園八德巧克力共和國-大家從小吃到大的77乳加有觀光工廠了,就在桃園八德巧克力街底,快帶小朋友來DIY做出屬於自己的作品

大溪老街-有行唔完的景點跟美食-武德殿、蔣公行館、賴媽媽豆花、江記花生糖、游記百年油飯、黃大目豆干


桃園台茂購物中心-卡通尼樂園+台茂shopping mall入面有個兒童天堂,可以大人有大人行街,小朋友有小朋友玩


河岸童話森林-園區有景觀餐廳、民宿、宴會場、蜜蜂故事館、兒童遊戲區、烤肉區、日落大道景觀台等等,是個完整的遊戲園區~


新竹站

新竹玻璃工藝博物館-有個靚靚城堡好顯眼,附近仲有日式建築群、麗池和動物園


眷村博物館 -展出許多眷村文化的特色,冷氣幾涼,可以影到好多相

新竹城隍廟 -城隍廟夜市美食廟宇規模為早年台灣之最

南寮漁港-有靚靚地中海建築,浪漫的~~~仲可以踩單車同埋去南寮漁港食野~


薰衣草森林-一個花園農場休閑景點,有大片的薰衣草和鼠尾草田、英式香草園、葛雷斯花園。



苗栗站
南庄老街 -充滿客家風情,有百年郵局、洗衫坑、永昌宮、乃木崎,同埋成條街都係舊式日造建築,濃濃的日本風情和古早味~仲大量各式各類的美食

天空之城-一個充滿異國風情的古堡建築,室內環境的裝修都好得意


公主草莓園/ 山頂果園農場-苗栗的草莓在台灣很出名,草莓園大多分布於大湖鄉及公館鄉,好多體驗採草莓的地點~

幸福農場-相信好多愛狗人士都知,這家餐廳就是專門為寵物所規劃的景觀餐廳


台中站

高美濕地-香港沒有的生態棲息地,可以睇到各種底棲生物、魚貝類,鳥類、水禽類~

谷關溫泉-中部三大溫泉之一,係碳酸泉黎的,對紓解壓力和疲勞有一定的功效~

梧棲漁港-漁港景觀,遊憩碼頭,重點係食新鮮海鮮的~

彩虹眷村-本是一個快要拆遷的眷村,由村入面的黃老伯提起畫筆美化,傳統的題材及豐富的色彩先保留咗~

一中商圈連夜市-一中街除了夜市小食,仲有流行服飾同特色餐廳


逢甲夜市是台灣最大也是最美味夜市之一,以便宜大碗出名

中社觀光花市-休閑農場,一年四季都有花放~影花海就係呢到!


東勢林場-睇螢火蟲,每夜牌都有數千隻螢火蟲在林場飛舞

忠信市場-是一個隱蔽的藝文秘密基地~


宮原眼科-當年係眼科醫院,而家就係食好野的地方啦

仲有下集睇埋彰化站、雲林站、嘉義站、台南站、左營站~