只限今日！平飛名古屋、福岡、檳城

HK Express成日都做Promotion，今日又推咗一個香港來回名古屋、福岡、檳城$200機票嘅優惠出嚟，只限今日訂，出發日期由即日至12月20號。之前Mega Sales做過$60，有齊3個地點；上個禮拜亦做緊$180，亦都有福岡同檳城，但就冇名古屋。雖然今次貴返少少，不過上兩次未決定去嘅可以諗下 (不過都冇時間諗咁耐XD)。

連稅後價錢分別係$871 (名古屋)、$756 (福岡)、$842 (檳城)，可以帶10kg Hand carry行李，20kg寄倉行李每程$200。日本線航班都係中午去黃昏返，檳城就晚機去凌晨機返。


而買機票要用邊張信用卡，相信睇開呢度啲旅遊類Blog都知要用建行 (亞洲) eye卡，佢網上簽賬5X積分 (詳情) 加埋「賞即飛天地」3X積分 (詳情)，可賺7X積分。而DBS Black World MasterCard就有$6=1里數，新卡迎新頭兩個月簽滿$3,000仲有$3=1里數 (詳情)。