【癌症保險】危疾保險與癌症保險詳細比較
【癌症保險】危疾保險與癌症保險詳細比較
相關信用卡:

【癌症保險】危疾保險與癌症保險詳細比較

發表日期: 2020 年 07 月 24 日 更新日期: 2021 年 05 月 13 日 生活癌症保險醫療保險
作者:編輯部

香港癌症資料統計中心報告指出,香港 2017 年癌症新症個案較前一年增加 5.1%達至33,075宗。當中大腸癌增加3.6%而乳腺癌上升6.5%。大腸癌繼續為男性最常見嘅癌症,而乳腺癌仍然係女性最主要嘅癌症。前列腺癌係香港男性常見癌症中,近年發病率升幅最快嘅癌症。75歲之前,本港大約4位男士中有1位會患上癌症,而大約5位女士中則有1位會有癌症。以上嘅本港癌症數字,提醒大家癌症離我哋唔遠,唯有及早認識並做好保障方為上策。保障方面,癌症保險與危疾保障,就有顯著分別。

 

香港最常見癌症

男性 : 前列腺癌、大腸癌、非霍奇金淋巴瘤、胰臟癌及腎癌

女性 : 乳腺癌、子宮體癌、卵巢癌、非霍奇金淋巴瘤、胰臟癌及甲狀腺癌

 

癌症治療費用

根據新聞資料顯示,市面上已推出三代標靶藥,治療時間中位數可達28個月,醫療費用一啲都唔低。新標靶藥對常見EGFR基因突變型肺癌亦非常有效,兩年存活率高達8成!雖然如此,標靶藥物治療費用十分昂貴,唔及早買定一份適合自己嘅保險,一時之間都未必可以應付到。

衛生署早已列出治療各癌症嘅已註冊標靶藥物,以下係幾種常見癌症嘅每月平均支出參考:

癌症

每月平均參考價錢

已註冊嘅標靶治療藥物

腦癌

$3萬

貝伐珠單抗 (bevacizumab) 、依維莫司 (everolimus)

乳癌

$1 至 8 萬

貝伐珠單抗 (bevacizumab) 、依維莫司 (everolimus) 、拉帕替尼 (lapatinib) 、培妥珠單抗 (pertuzumab) 、曲妥珠單抗 (trastuzumab)

大腸癌

$2至 14 萬

阿柏西普 (aflibercept) 、貝伐珠單抗 (bevacizumab) 、西妥昔單抗 (cetuximab) 、帕木單抗 (panitumumab) 、瑞戈非尼 (regorafenib)

肝癌

$15 萬

索拉非尼 (sorafenib)

胃癌

$3 萬

曲妥珠單抗 (trastuzumab)

 

癌症保險跟危疾醫療保險主要分別

一般而言,危疾保險都會提供三類主要嚴重疾病保障,包括癌症、中風同埋心臟病。危疾保險通常會喺受保人被診斷為患有嚴重疾病嘅情況下提供一次性賠償。相反,癌症保險會用實報實銷嘅方式為受保人提供實際所需嘅癌症醫療費用,針對性較強。

保險計劃 

癌症保險

危疾保險

賠償方式

賠償實報實銷醫療費用

一筆過賠償

保障範圍

保障一般癌症、原位癌

保障癌症、中風、心臟病等嚴重疾病

續保方式

每年續保

大多係水平保費,每年需繳交嘅保費保持不變,累積保費較高

產品結構

一般無儲蓄成份

一般會連帶其他危疾保障、儲蓄成份

 

癌症保險實報實銷

癌症保險一般採用實報實銷形式,當受保人喺確診患上受保癌症時,呢類癌症保險嘅保障會生效,受保人會獲得其間所接受癌症治療之診治、相關費用。大致上,保險公司會實報實銷賠償入院或門診診斷檢查、癌症治療、住院及監察檢查費用等,總賠償以每次確診受保癌症之最高賠償額為上限。

 

癌症復發能否受到癌症保險保障?

市面上唔少癌症保障,提供癌症復發保障,令保障可廣泛地涵蓋癌症康復監察(至積極治療完成後數年)、復發,以及其他癌症確診。購買前可以仔細了解保險計劃嘅相關細節。

 

癌症保險保障範圍

癌症保險一般保障範圍包括:被確診患上初期癌症或原位癌,可預先獲支付相等於一定嘅賠償額。自癌症確診日起嘅一段時間內,每次接受住院、癌症療程開支均可以實報實銷形式獲得賠償。不過詳細情況都要按保險計劃條款為準。

 

癌症保險續保

一般癌症保險都係每年續保。保險公司會每年審視受保人嘅情況,調整保費。

 

癌症保險何時生效

癌症保障會設有保障生效日期,例如90日,代表購買計劃後90天便享有相關保障,但如果在購買計劃後的90天內診斷出癌症,就可能無法獲得保障。由2010年2月1日起,為保障消費者權益,亦設有冷靜期,一般為投保人收到保單或投保通知書後起計21天,於冷靜期內取消保單可獲退還全數已繳之保費。

 

購買癌症保險注意事項

一般癌症保險內常見嘅非受保障細項:

  • 診斷癌症檢查:診斷受保癌症嘅檢查費用,如化驗、X 光檢查、 電腦斷層掃描、磁力共振掃描等
  • 非手術癌症治療:化療 、電療、激素治療、標靶治療等
  • 使用藥物:止嘔藥物、抗排斥藥物、抗眩暈藥物、止痛藥等因接受受保癌症治療而需要長期服用嘅藥物
  • 紓緩治療:以紓緩痛楚或減輕受保癌症的徵兆、症狀嘅治療
  • 重建手術:因患受保癌症而需接受嘅重建手術(如乳房)
  • 住院及手術:因接受手術/非手術癌症治療或紓緩治療而住院之相關費用
  • 治療前或治療後的診症:進行手術/非手術癌症治療或紓緩治療之前或之後需接受嘅專科醫生診症
  • 投保前已存在嘅疾病

 

HongKongCard精選癌症保險

由於癌症治療費用極高,一般醫療保障並未完全保障,因此一份優質的癌症保險非常重要,HongKongCard為你精選了以下癌症保險。

HongKongCard精選癌症保險

癌症保險係專門針對癌症而設嘅實報實銷賠償保險,保費一般比危疾低得多,一般並無儲蓄成份。HongKongCard為你精選香港最佳癌症保險計劃,經HongKongCard成功投保,仲有獨家保費折扣同埋HongKongCard獨家獎賞!

癌症保險折扣獎賞