如果你真係好急，急到即刻就要錢周轉，咁市面上大部分貸款快極都要一日半日，呢個情況你可以用Mox 「即時借」貸款，因為佢係即撳即批，無需交文件，批完仲即刻存入你嘅Mox戶口！
貸款額視乎Mox Credit Limit
Mox 「即時借」貸款可以借到幾多錢？先講最低貸款額係HK$5,000，至於最高貸款額呢，簡單講，Mox 「即時借」貸款係類似一般信用卡套現貸款，同信用卡一樣係睇你嘅Credit limit，即是你嘅Mox Credit。不過唔係話你有幾多Mox就必定會批足畀你，可用信用額係貸款額其中一個因素，至於其他因素就唔需要深究，因為你用Mox App就可以即時見到（如果你有申請Mox Credit）佢最多批到幾多畀你。
還款期3至60個月隨便自選
至於還款期，Mox 「即時借」貸款係相當彈性，可以3至60個月任揀，係借幾多都可以分到3至60個月，而且係可以逐5、10、27、33個月咁揀，唔一定要12、24、36之類。呢個係好方便嘅，因為可以輕鬆調較每月還款額去到一個還得唔辛苦嘅還款期數。
利息即時顯示 睇啱先借
當你在Mox App調整緊貸款額同埋還款期數嘅時候，其實就可以即時睇到實際年利率同埋每月還款額！需知道一般貸款，要去到差不多最後臨簽貸款合約先會知道最終佢批幾多實際年利率畀你，但Mox 「即時借」貸款係可以即時睇到。唔啱就即刻tune吓貸款額同埋還款期數睇吓有冇好啲，都係搞唔掂你可以唔借，都冇浪費到你幾多時間。或者你純粹八卦，都可以隨時撳入去睇吓佢會批幾多利率俾你，反正係即時顯示。
24/7 即撳即批即過數
申請係即時嘅，24/7 任何時間都得，唔需要交文件，唔需要等批核，佢畀得你撳你就可以借，confirm完Mox亦會將現金即時存入你嘅Mox戶口！講真對急住用錢嘅朋友嚟講，呢個真係最大賣點，分分鐘係救命錢嚟，梗係愈快愈好！
HongKongCard獨家私人貸款優惠
有周轉需要？唔好等，即刻用HongKongCard私人貸款計算機，輸入心儀貸款額同埋還款期，即時選出最適合自己嘅私人貸款，仲有超級豐富HongKongCard獨家私人貸款優惠送畀你！全程網上申請，無須露面！