信用卡 里數 計算機 簽幾多儲幾多一眼睇晒

好多人都會簽卡賺里數，但簽呢個數可以賺到幾多就未必計得掂。如果你都好怕計數，而家只要用我哋嘅「信用卡里數計算機」，輸入簽賬金額，就會自動幫你計，用唔同信用卡喺唔同類別簽賬可以儲到幾多里數。

 

計算4大飛行里數計劃里數
呢個「信用卡里數換算表」計到4個飛行里數計劃里數，包括：
亞洲萬里通
英航Executive Club (Avios)
國航鳳凰知音
新加坡航空 KrisFlyer

 

簽賬類別
唔同信用卡喺指定簽賬類別會有額外獎賞，喺「信用卡里數換算表」入面就有分開咗唔同類別，包括：
一般本地簽賬
海外簽賬
網上簽賬 (本地) / (外幣)
本地食肆簽賬
超市簽賬
百貨公司簽賬
八達通自動增值
拍卡付款 (payWave/Mastercard Contactless/QuickPass/ExpressPay)
手機付款 (Apple Pay/Android Pay/Samsung Pay)
PayMe增值
網上繳費
自動轉賬

 

使用方法
喺手機板網頁，按左上角功能表，或者喺桌面版網頁右上角，都會見到「里數計算機」，撳入去就可以打開。

 

首先選擇飛行里數計劃，預設係Asia Miles。

 

喺右邊「分類」可以選擇簽賬類別 (預設係一般本地簽賬) 同銀行。

 

可以輸入由$10至$500,000嘅簽賬金額，以$10為單位。入完就會自動顯示可以儲到幾多里數，下面條Bar可以左右拖拉調節金額。計算出嚟嘅里數，係以四捨五入計，同實際可能會有少許差別。撳「最多里數」可以睇返比張卡喺指定金額儲到最多里數，會計埋特別優惠去排先後次序。

 

如果係一啲有特別優惠嘅卡，例如滙豐信用卡有「最紅自主獎賞」，就會列埋分配咗唔同倍數可以儲到幾多里數，撳「備註」可以有關優惠嘅基本條款或限制。

 

如果優惠有限制，例如獎賞上限，簽賬限額等等，會反映喺計算結果，以Citi Rewards Card為例，生日月份超市、百貨公司、電訊類別簽賬有8X積分，當中3X上限額外15,000分，簽$5,000封頂。由計算機睇返簽$5,000或以下，都係$1.88=1里數；但簽5,000或以上，比率就會升返。
 

 

不過要留意，合資格交易同可以儲到嘅里數只供參考，實際邊啲係合資格交易，又可以儲到幾多里數，都係以銀行為準。
同埋設定好飛行里數計劃、簽賬類別、銀行、金額，可以複製連結，咁就可以將個結果Share俾朋友參考，或者記低條link遲啲再睇返，唔使再Set一次。

 

限時優惠：
【限時優惠：透過本網申請DBS Black World Mastercard，可額外獲贈520里及$150 Apple Store Gift Card！】
【成功申請指定渣打信用卡，可額外獲贈HK$100禮券】
【獨家好事"傳"千里：經本網申請及加入成為「亞洲萬里通」新會員，額外送你高達1,000里數！】