超市有好多信用卡優惠，揀啱卡可以賺多啲額外積分，今次分享咗3張信用卡，儲里數低至$1.25/里！
1.渣打銀聯雙幣白金信用卡
儲里數嘅話，呢張卡可以儲「亞洲萬里通」里數，日常簽賬係$15/里。
只要每個月簽賬額係$5,000或以上，所有超市、百貨公司、便利店同csl簽賬都有12倍積分，當中包括基本積分1倍同額外11倍積分。以每個月喺以上類別簽滿$5,000去計，儲里數低至$1.25/里。
不過要留意，呢個推廣優惠要登記，同時每月額外積分上限係55,000分，簽$5,000就到上限。
簽$5,000計法：https://www.hongkongcard.com/s/0RXJg
簽$7,000計法：https://www.hongkongcard.com/s/39PTe
2.滙豐Visa Signature卡
滙豐信用卡都可以登記「最紅自主獎賞」，日常比較多超市簽賬就可以揀「賞家居」，會有額外5倍「獎賞錢」。而滙豐Visa Signature卡喺「最紅自主獎賞」類別裡面都會有額外3倍「獎賞錢」，所以用呢張卡去超市買嘢會有9倍「獎賞錢」。
儲「亞洲萬里通」嘅話，每$1「獎賞錢」可以換到10里，所以滙豐VS卡係低至$2.78/里。
如果同時有滙豐卓越理財信用卡，可以換埋Avios，每$1「獎賞錢」換到15里，滙豐VS卡係低至$1.85/里。
不過要留意，「最紅自主獎賞」嘅額外「獎賞錢」同VS卡嘅額外3倍「獎賞錢」都只限首$100,000。
儲「亞洲萬里通」
簽$100,000計法：https://www.hongkongcard.com/s/NfaxT
簽$110,000計法：https://www.hongkongcard.com/s/EmhS8
儲Avios
簽$100,000計法：https://www.hongkongcard.com/s/GpIpq
簽$110,000計法：https://www.hongkongcard.com/s/zrL8d
3.Citi Rewards VISA、萬事達卡、銀聯信用卡
無論係儲「亞洲萬里通」定係Avios，呢三張卡一般簽賬係$15/里，但喺本地超市、百貨公司同電訊公司簽賬都有5倍積分，低至$3/里。
而生日月份喺本地超市、百貨公司同電訊公司簽賬會有8倍積分，即係$1.88/里。
不過要留意，5倍積分嘅每月上限係額外50,000分，大概簽$12,500就到上限。而生日月份額外3倍積分上限係15,000分，即係簽$5,000。
儲「亞洲萬里通」
簽$12,500計法：https://www.hongkongcard.com/s/C3Lpe
簽$5,000計法：https://www.hongkongcard.com/s/9Cafi
簽$18,000計法：https://www.hongkongcard.com/s/W9Ut1
儲Avios
簽$12,500計法：https://www.hongkongcard.com/s/8GM3v
簽$5,000計法：https://www.hongkongcard.com/s/QHD2J
簽$18,000計法：https://www.hongkongcard.com/s/Zk7lJ
里數計算機
唔想自己慢慢計每個月用咁多錢儲到幾多里數？依家HongKongCard推出咗里數計算機，只要輸入簽賬額就會顯示所賺里數，可以知道自己喺某一種簽賬儲到幾多里數。
里數計算機可以計到「亞洲萬里通」、Avios、鳳凰知音同KrisFlyer嘅里數，部分信用卡有額外積分上限，例如上文提到呢三張卡，里數計算機都可以就住上限計出答案㗎。
教學：https://www.hongkongcard.com/blogs/2215
| 信用卡 | 里數比率 | 上限 |
| 渣打銀聯雙幣 | $1.25/里 | 每月簽 $5,000 |
| 滙豐 | $2.78/里 (亞洲萬里通) | 每年簽賬 首$100,000 |
| 滙豐 Visa Signature卡 | $1.85/里 (Avios) | 每年簽賬 首$100,000 |
| Citi Rewards VISA、 | $3/里 (亞洲萬里通、 Avios) | 每月簽 $12,500 |
| Citi Rewards VISA、 萬事達卡、 銀聯信用卡 (生日月份簽賬) | $1.88/里 (亞洲萬里通、 Avios) | 每月簽 $5,000 |
不過溫馨提示，
1.以上提到嘅信用卡兌換里數時要畀手續費
2.如有爭議，一切以銀行最終決定為準