不能不知儲Asia Miles方法－淘寶賺里數

世界上仲有乜嘢可以阻止香港人淘寶？

OL淘原單廿蚊衫、網絡食家淘大閘蟹... 個個密密淘嘅同時，你又知唔知原來淘寶都可以賺到Asia Miles里數？原來喺淘寶購物每1蚊美金就可以賺1.5AM，大家當幫個輔助幫補下都係唔錯嘅選擇。不過過程原來比想像中複雜好多！稍一不慎AM方面可能會追蹤唔到個交易，而且好難追討返。如果淘寶方面可以將個運作改善得user-friendly少少就好喇。

教學如下：

1.就咁用平日上開嘅淘寶網或者淘寶手機app係儲唔到里數㗎！
首先一定要login Asia Miles網站同開瀏覽器「cookies」，然後進入AM iShop嘅特定淘寶連結去購物，否則AM方面可能會追蹤唔到個交易㗎喇。

Login Asia Miles後click賺取里數裡面嘅「亞洲萬里通」iShop。

2.click「立即進入iShop.」
 

3.Click淘寶icon。

4.而家promotion係喺淘寶購物每1蚊美金就可以賺1.5AM。記得要透過AM網iShop呢個淘寶連結先可以做到淘寶網購物賺取AM！
舉例嚟講：買夠70蚊美金就可以儲到105 AM喇。

5.然後會跳入「愛淘寶」頁面，記得整個交易都要於呢個頁面一氣呵成完成！細心留意可以發現同上開嘅淘寶網有少少唔同。網址方面，由平日「taobao.com」變成「ai.taobao.com」；網頁主顏色由平日橙色變成深橙色。
 

6.購物之前要留意少少規矩，否則AM方面可能追蹤唔到個交易而儲唔到AM。

一)唔好click頁頂「淘寶網首頁」／頁尾任何連結。

二)確保每一件想購買嘅商品都可於ai.taobao.com搜索得到。

7. 示範一次先，喺ai.taobao.com搜索欄輸入想搵嘅商品。
 

8.喺搜尋結果揀心水貨品。
 

9.Click入商品版面，可以睇返張圖～記得唔好click淘寶網Taobao.com標示同左邊分類、排行榜選欄、更加唔好喺商品版面嘅搜索框進行搜索！最好直接click「立刻購買」，完成交易。另外要確保每一次進入商品詳細頁面都要透過愛淘寶頁面完成。

10. 用支付寶／信用卡畀錢就大功告成！

Q＆A

1.如果我想買購物籃嘅商品，又怕click錯link令AM追蹤唔到個交易，咁應該點做？

千奇唔好直接click購物籃然後畀＄咁傻呀，好多人因為咁做而儲唔到AM。
上面教學亦講過要喺「愛淘寶」頁面一氣呵成完成交易，有咩唔click得可以參考返上面教學嘅圖。
而家教大家點樣可以買到購物籃商品同時儲AM嘅方法。

首先上淘寶將購物籃心儀嘅商品名稱複製。

然後進入AM iShop，透過AM網iShop個淘寶連結進入ai.taobao.com，將頭先copy嘅商品名稱貼喺搜索框度搜索。
 

搜尋到你想要件貨嗱嗱臨直接購買就可以喇。記得成個過程都要喺AM iShop提供嘅ai.taobao.com完成。

2.我身處內地可唔可以透過淘寶賺AM？

獎勵只適用於非中國內地(中國內地IP address)嘅用戶。

3.係咪一定要直接購買連付款先有AM賺？

係。

4.如果落bid之後唔一次過畀錢，等買家改好價錢先畀，會唔會賺唔到AM？

過程斷開咗會賺唔到AM。

5.淘寶畀錢後，幾耐會收到AM？

購後程序：
A.畀錢後，將會於5日內收到一封由"Asia Miles iShop support"(status@shop.asiamiles .com)send出嘅交易記錄確認電郵。iShop交易記錄都會show出嚟。
B.等商戶驗證交易(所需時間視乎個別商戶而定，一般唔多於 120日)。
C.獲商戶確認後，會收到一封由 "Asia Miles iShop support"(status@shop.asiamiles.com) 發送的交易確認電郵。。
D.AM將於30天內入賬。

6. 邊到可以check到里數存入過程？

當系統成功追蹤交易後，交易狀況會於「iShop交易記錄」顯示，可以查閱記錄同最新狀況。(於iShop頁面左上角)
 

7.點解畀完錢，但「iShop交易記錄」冇顯示我嘅交易？

有幾個可能：
－交易要得到商戶確認，然後里數先會存入你賬戶。個別商戶確認交易時間都唔同各有不同，一般約60至120日。
－冇開瀏覽器「cookies」，AM方面追蹤唔到交易。
－click咗click「ai.taobao.com」頁頂「淘寶網首頁」／頁尾任何連結。
－唔係一氣呵成咁完成交易。

有太多可能性～想詳細了解可以聯絡返AM。

電話：2747 3838
AM Facebook Page
AM網站
電郵：memberservices@asiamiles.com
傳真：2312 0883
郵寄地址 (香港) ：香港荃灣郵政局郵政信箱1024號 「亞洲萬里通」