不能不知儲Asia Miles方法－​搭機場快綫賺里數

近排搭港鐵都會見到Asia Miles合作嘅廣告板，原來搭機場快綫都可以賺里數！原來有2個方法，分別係參加機場快綫「多乘賞」計劃同埋於網上買機場快綫車票。雖然網上買機場快綫車票換AM呢個promotion仲有幾日就完(6月30日係最後一日)，不過車票可以喺買咗之後92天內用，所以預計會喺6月30日打後92日會有機會去機場嘅朋友可以買咗先，唔好蝕！

一)機場快綫「多乘賞」計劃

限期：2016年1月1日至12月31日

計法：成為會員後，用已登記嘅八達通畀錢乘搭機場快綫，一程可得1獎分，來回可得2獎分。

港鐵職員話會抽啲特選會員出嚟，呢班特選會員會收到中獎email，於4月18日至9月30日用已登記嘅八達通畀錢乘搭機場快綫，一程可得2獎分。不過抽唔抽得中獎就睇運氣喇。
（適用於往來機場及香港、九龍或青衣站；不適用於往來機場及博覽館站）

1.首先於www.mtr.com.hk／指定港鐵站同港鐵商場內嘅「e分鐘著數」機登記參加「多乘賞」計劃。

網上登記

－先輸入有效八達通資料：八達通編號、最近乘搭港鐵的日期同埋最近乘搭的港鐵車程。

－然後輸入戶口資料：登入名稱、密碼同email。

－仲有個人資料：姓氏、名字、稱呼、出生日期、會員通訊語言、「亞洲萬里通」會員號碼、自動換領『亞洲萬里通』選項同過去六個月往返機場次數。再輸返認證碼就大功告成喇！

2. 或者去設有「e分鐘著數」機嘅港鐵車站登記。

網站詳細列出晒所有可以登記嘅港鐵車站。

3.成為咗機場快綫「多乘賞」計劃會員就可以賺取獎分，獎分可以用嚟換取里數。

例子：
7月嚟香港開show打算去接BigBang機，
搭機場快綫去機場接機，呢度當一程已得1獎分；
接完機出返市區嗰程都搭機場快綫走，賺到1獎分。總共賺到2分。

8月去東京搭機場快綫去機場，賺到1獎分；
旅行完返香港搭機場快綫返市區，賺多1獎分。總共賺到2分。
呢度2程來回總共賺到4分，可以換到200AM。

獎賞換領日期：2016年1月1日至2017年2月28日。

當儲夠4獎分或7獎分，就會收到Email通知你可以用獎分換里數㗎喇。

4.換領方法：登入後網上安排兌換。

－ 2016年度累積嘅獎分有效期去到2017年2月28日。會員必須喺2017年2月28日或之前換領獎賞，獎分將於2017年2月28日後自動被註銷。

－申請兌換之後，里數將喺換領確認後四至六個星期存入帳。

二)機場快綫網上購票服務

由2016年4月29日至6月30日，喺網上購買機場快綫車票，每消費HK$1就可以賺1里AM。
一開始都講過，購買期限雖然仲有幾日就完，不過來回車票同單程車票可以喺買咗之後92天內用，
所以會喺6月30日打後92日會有機會去機場嘅朋友可以買咗先，賺得一里得一里嘛。

來回車票有3種：

單程車票(成人)有3種：
 

－車票可以於訂購日起計92天以內使用。

－來回車票第一程要喺訂購日起計92天內完成，第二程必須喺使用第一程日起計30天內完成。

－單程車票必須喺訂購日起計92天內使用。

－里數將喺付款確認後四至六個星期入帳。

－乘客必須喺購票嗰陣同時提供埋「亞洲萬里通」會員號碼。

港鐵網上購票查詢熱綫: (852) 2993 3955

港鐵電話:+852 2881 8888

港鐵網站

「亞洲萬里通」網站