匯豐信用卡嘅優惠都幾多,特別係「最紅自主獎賞」6X「獎賞錢」同「最紅星期五」11X「獎賞錢」一直都係唔少卡友嘅簽帳首選,再加埋好多時可以同時賺埋其他優惠,所以好受卡友歡迎。不過最近匯豐宣佈2016年1月4號開始,由$1「獎賞錢」換15 Asia Miles里數,改為10里數。對於常用匯豐信用卡儲里數嘅卡友嚟講,無疑係一個壞消息。
換少1/3里數 而家每簽賬$250就會賺到$1「獎賞錢」,每$1「獎賞錢」換15 Asia Miles里數,即係$16.67=1里數,下年得返10里數,比而家少咗1/3,以成本計就變成$25=1里數,其實都幾貴。
如果當係「最紅自主獎賞」6X「獎賞錢」同「最紅星期五」11X消費類別之下,消費$250,而家就分別有$6 / $11「獎賞錢」,換到 90 / 165里數,即係$2.78 / $1.52 =1里數。
當變成$1「獎賞錢」=10里數,假設到時仍然有「最紅自主獎賞」,賺到嘅「獎賞錢」相同,就只可以換到 60 / 110里數,即係$4.17 / $2.27 =1里數。以兌換里數成本計,貴咗成50%㗎,不過同其他卡比,仍然有啲優勢嘅。
至於Visa Signature卡喺「最紅自主獎賞」類別上額外有3X「獎賞錢」,而家消費$250可以賺到 $4 (4X) / $9 (9X) / $14 (14X) 「獎賞錢」,換到 60 / 135 / 210里數,即係$4.17 / $1.85 / $1.19 =1里數。
新制之下,換到 40 / 90 / 140里數,等於$6.25 / $2.78 / $1.79 =1里數,14X比率喺新制都唔及而家其他卡星期五11X,9X就同而家6X一樣。假設「最紅自主獎賞」同額外3X會延期,都仲值得繼續用嘅。
還看新優惠 「最紅自主獎賞」優惠期只係到年尾,出年仲有冇得玩,都係未知之數。如果出年冇得繼續,或者新優惠唔夠吸引,相信好多儲里數卡友都會棄用 (除咗同CCB玩雙劍合璧交保險或交稅),希望「最紅自主獎賞」會延長,或者出更著數嘅優惠,彌補返兌換比率低咗啦。不過新例中亦有一條係「如您在 2016 年 1 月 4 日後繼續參與「飛行優惠計劃」,上述 C 部分修訂將對您具有約束力。」,C部分修訂即係指里數兌換率更改嗰部分,我照字面幻想下,係唔係1月4號之前俾年費,嗰一年就繼續係$1「獎賞錢」=15里數呢?不過為穩陣起見,大家都係改制前換晒啲「獎賞錢」佢喇。
兌換手續費同時改 同時,喺新條款下,刪除咗飛行計劃年費$300 / 40美元,加入「最新年費可於本行網站瀏覽」,即係話換里數手續費都有可能改,希望唔好加價啦。
改換Avios / KrisFlyer 匯豐卓越理財信用卡除咗可以換Asia Miles里數,仲可以換英航Executive Club Avios同及新航KrisFlyer里數。新制只係針對Asia Miles,並冇改到呢兩部個飛行常客計劃嘅兌換比率,仍然係$1「獎賞錢」=15 里數,可以繼續用呢張卡換Avios或KrisFlyer里數。
留意「獎賞錢」存入時間 雖然話新制係出年1月4號先開始,不過「最紅星期五」今個階段 (10月1號至12月31號) 賺到嘅「獎賞錢」將會喺2016年2月先入落戶口,咁到時就要用新比率換里數,所以呢段時間星期五仲用唔用匯豐卡,就大家自己判斷喇。
替代卡選擇 若果到新制實施時,「最紅自主獎賞」冇延期,而新優惠唔夠吸引,咁用咩卡代替呢?想賺里數的話,我有以下建議 (原來匯豐卡食飯真係好好用):
餐飲類 (代替賞滋味): 建行(亞洲) tiramisu卡
優惠:餐飲3X積分
基本里數兌換比率:$15=15分=1里數
優惠里數兌換比率:$5=1里數
東亞Flyer World MasterCard / 渣打WorldMiles卡
基本里數兌換比率:$5=1里數
戲院類 (代替賞玩樂): 東亞World MasterCard
優惠:1.6X積分,UA院線正價戲票8折、MCL 院線 (包括STAR Cinema) 正價戲票9折
基本里數兌換比率:$8=8分=1里數
優惠里數兌換比率:$5=1里數
中銀i-card
優惠:10X積分
基本里數兌換比率:$15=15分=1里數
優惠里數兌換比率:$1.5=1里數
電訊公司類 (代替賞玩樂): Citibank Rewards Card
優惠:5X積分
基本里數兌換比率:$15=15分=1里數
優惠里數兌換比率:$3=1里數
中銀i-card
優惠:10X積分
基本里數兌換比率:$15=15分=1里數
優惠里數兌換比率:$1.5=1里數
超市類 (代替賞家居): Citibank Rewards Card
優惠:5X積分
基本里數兌換比率:$15=15分=1里數
優惠里數兌換比率:$3=1里數
中銀i-card
優惠:10X積分
基本里數兌換比率:$15=15分=1里數
優惠里數兌換比率:$1.5=1里數
個人護理類 (代替賞家居): 中銀i-card
優惠:PayPass 10X積分
基本里數兌換比率:$15=15分=1里數
優惠里數兌換比率:$1.5=1里數
建行(亞洲)eye卡
優惠:payWave交易5X積分
基本里數兌換比率:$15=15分=1里數
優惠里數兌換比率:$3=1里數
電器類 (代替賞家居): 中銀i-card
優惠:10X積分
基本里數兌換比率:$15=15分=1里數
優惠里數兌換比率:$1.5=1里數
百貨公司類 (代替賞品味): Citibank Rewards Card
優惠:5X積分
基本里數兌換比率:$15=15分=1里數
優惠里數兌換比率:$3=1里數
旅遊類 (代替賞品味): 建行(亞洲)eye卡
優惠:網上簽賬5X積分,「賞即飛天地」旅遊類簽賬額外2X積分,網上訂機票、酒店、旅行團合共7X積分
基本里數兌換比率:$15=15分=1里數
優惠里數兌換比率:$2.14=1里數
中國簽賬 (代替賞中華): 上海商業銀行銀聯雙幣鑽石卡
優惠:海外簽賬3X積分,包括中國同澳門
基本里數兌換比率:$8=8分=1里數
優惠里數兌換比率:$2.67=1里數
海外簽賬 (代替賞世界): 富邦白金卡 / Titanium卡
優惠:海外簽賬4X積分、日本 / 韓國8X積分,台灣20X積分
基本里數兌換比率:$12=12分=1里數
優惠里數兌換比率:$3 / $1.5 / $0.6=1里數
至於信用卡兌換里數手續費同積分限期,可以參考返呢兩篇Blog:
兌換里數手續費邊張卡平?提防過期 留意信用卡積分有效期