當需要額外現金周轉，好多人即刻諗到問銀行借錢。銀行貸款方式有好多種，例如私人貸款、稅務貸款、物業貸款、信用卡套現分期等等，究竟邊種適合自己？可以參考下以下介紹。
私人貸款
各大銀行同財務機構都有唔同類型嘅私人貸款，利率會按申請人信貸紀錄、貸款額、還款期而定。當中循環貸款可以隨時將已還本金攞返出嚟再周轉，但利率比普通私人貸款高。
優點：選擇多，優惠五花八門。
缺點：貸款額受入息限制。
適用人士：一般在職人士。
稅務貸款
逢稅季出爐，利率比一般私人貸款低啲。以前稅貸貸款額會比較低，不過而家已經接近一般私人貸款，好多都可以做到月薪8倍或以上。
優點：利率比一般私人貸款低。
缺點：還款期較短，通常1至2年，只喺交稅季節推出，借貸時間被局限。
適用人士：一般在職人士。
物業一按 / 二按貸款
只要有物業，就可以用物業做一按或二按。一按係指物業已供完，再按俾銀行或財務機構借錢。二按/加按就係物業未供完，再同另一間機構做按揭申請物業貸款。如果做二按，貸款上限一般係一按金額減去未償還金額，而息口會較高。
優點：有物業做抵押，唔一定要入息證明，就可以借到較大額貸款，還款期亦長啲，可以超過5年以上。
缺點：必須要有物業。
適用人士：有樓揸手，需要大額現金周轉
信用卡現金透支分期
信用卡可以直接撳錢做現金透支，但利息好高。而好多銀行都有做信用卡現金透支分期，由信用卡信用額入面抽出一部分借出，唔使入息審查，每期還錢，可用信用額就會回升。通常現金透支分期優惠會多啲，部分信用卡亦可以賺到積分。
優點：申請方法簡單，唔使入息證明，批核快捷。
缺點：貸款額較低，受信用卡額度限制。
適用人士：信用卡持有人，需要小額現金應急。
下面以借$50,000同借$200,000為例，睇下唔同借貸方法所需要嘅利息同手續費支出：
稅貸普遍較低息
唔同貸款額同還款期會有唔同息口，不過稅貸通常會比普通私人分期貸款同信用卡套現分期低息，每月平息好多都係0.2%以下，實際年利率就係5%以下 (視貸款額、還款期而定)。
不過每間銀行唔同貸款計劃息口都唔同，首先要諗下自己借錢嘅金額、用途、還款能力，再耐心格下價，同埋留意條款，睇下有冇隱藏或額外收費，要搵優惠貸款，其實唔難。
趁而家係稅季，有需要可以諗下以下稅貸計劃：
星展：36個月還款期，經網上成功申請可享高達$300現金券
交通銀行：同時申請指定信用卡有額外$400現金回贈。
建行(亞洲)：指定客戶借80萬以上12期貸款實際年利率1.88%，利率較低。
Citibank：最長48個月還款期，申請指定金額、網上申請、推薦親友申請都有獎賞。
恒生：網上及手機申請有最多$300現金回贈。
渣打：0利息，只收手續費，指定貸款額有手續費折扣。