政府喺12月15號宣佈展開為期三個月嘅自願醫保計劃公眾諮詢，希望鼓勵大家買個人住院保險，去私家醫院都有多啲保障，從而減輕對公立醫院嘅負荷。如果過程順利，預計最快2016年就會推出，而家就睇下自願醫保計劃嘅基本資料先，各位有咩意見？
保單須符合「最低要求」12項原則
將來保險機構要提供個人住院保險計劃，需要受到監管，確保投保人得到充分保障。保險機構要向投保人提供「標準計劃」符合政府訂明嘅12項「最低要求」，包括：
保費貴起碼9%
政府根據2012年嘅數據估計，「標準計劃」每年保費大約係：
平均標準保費大約$3,600，比起市面上同類保費貴咗9%，如果計返而家甚至到正式實行時嘅水平，應該會再貴啲。
「靈活計劃」與「附加計劃」
除咗「標準計劃」此外，保險機構可以喺上面再附加「靈活計劃」同「附加計劃」，投保人可以自行選擇，增加保障範圍。
高風險人士都受保
一啲長期病患者或投保前已經患病等健康風險較高嘅人士投保，通常都會被保險公司收較高嘅保費，或者加入唔包括嗰啲病引發嘅醫療索償，即係冇乜保障。「最低要求」入面就有Set咗必定承保而附加保費率上限為200%，同埋加入標準等候期，例如投保四年後索償先可以攞足100%。為咗令高風險人士得到較佳嘅醫療保障，政府建議成立高風險池，專門處理呢類保單。
買保險可扣稅
政府想吸引多啲人參與自願醫保計劃，提議可以用扣稅方式，每年可扣稅嘅保費上限係每年保費平均值 (譬如上面講過嘅$3,600) 乘以投保人所在稅階嘅稅率。可以扣稅嘅保單要屬於符合「最低要求」嘅個人住院保單，包括「標準計劃」和「靈活計劃」。而投保人同佢嘅受養人(配偶、子女、受養父母、受養祖父母或外祖父母、受養兄弟姊妹) 都可以扣稅，連埋自己唔多過三個。
舊單轉新單
當自願醫保計劃正式推出後，預計會有一年時間可以將現有保單轉做合資格保單，唔使重新核保，保費就跟到時嘅標準保費，即係有可能會貴咗。轉換時可以唔要原本唔受保嘅項目，但可能要重新核保。如果過咗期先想轉做合資格保單，就要買一份新保單。如果想保留舊單都OK，不過冇得扣稅。
公司團體醫療保險獨特處理
公司團體醫療保險係唔使用符合「最低要求」，不過保險公司要為僱主提供轉換選項，等員工離職或退休後可以將公司醫療保險轉為個人「標準計劃」而唔使重新核保，再買一份「自願補充計劃」，加返其他保障，同「標準計劃」相同。
信用卡保險亦可能受監管
有唔少信用卡都有向卡住Sell保險，如果信用卡保險係屬於個人償款住院保險，就必須要符合「最低要求」，所以將來計劃正式實行，就要轉到「標準計劃」。如果係儲蓄、危疾、入息保障等住院保險以外嘅保險，就唔使符合「最低要求」，繼續供。
信用卡交保費有積分
除非係銀行同保險公司嘅聯營卡做自動轉帳，或者直接上保險公司Office碌卡，好多信用卡經網上理財交保險費都係冇積分，除咗：
渣打：網上理財$1=1分
富邦：星期六、日滿$300或以上2X積分