Android Pay今日正式登陸香港

繼Apple Pay早前在香港開始使用之後，Android Pay亦於今日正式可以喺香港使用，大家只需要到Google Play下載應用式，登記信用卡後就可以即刻於全港超過5000間商鋪付款購物。而香港亦係亞洲第二個可以使用Android Pay嘅地區。

 

Android Pay同八達通一樣採用拍卡方式付款，不過Android Pay勝在可以登記多張信用卡 , 消費之餘仲可以賺晒所有積分。只要你部手機係Android 4.4 或以上，設有 NFC 又冇 Root到，就可以使用。

不過留意Android Pay 暫時只係支援星展銀行、大新銀行、恒生銀行、滙豐、渣打銀行及東亞銀行所發出的嘅Visa 同 MasterCard 。詳細嘅支援商戶同優惠資訊請即進入傳送門查詢。