買機票額外賺2,000里數

而家係旅遊淡季，大家有冇諗住去旅行？有唔少人會將儲落嘅里數換機票，不過而家American Express就同國泰合作，搞咗個買機票送額外里數嘅優惠 (詳情)，要用里數免費飛，定係繼續食優惠儲里數好呢？

由而家起至10月31號，用美國運通國泰航空尊尚信用卡或美國運通國泰航空信用卡上國泰官網訂機票滿$8,000或以上 (連埋稅同手續費)，可以賺額外2,000 Asia Miles里數，優惠期入面可以用呢個優惠20次，即係額外賺多40,000里數。不過呢個優惠並唔適用於國泰假期，訂酒店同旅行團係冇得賺額外里數。

要買夠$8,000以上，可能要買長途少少，或者兩張或以上機票先簽得夠。而買fanfares機票價錢平啲，買兩張長途機票應該夠數，雖然fanfares可以賺嘅基本里數只得本來嘅25%，加埋呢2,000額外里數，好似幾抵。當然，要喺一個月左右訂20次機票，出Trip、去旅行都訂唔到咁多啦，要賺多啲就要幫埋親戚朋友訂飛。