扑搥跟團遊大阪！

Lady C.我既日本之旅一直講到2046都未出發……講左廿五年（我年年25歲加嘛~），Lady C.我終於因為日本就加消費稅而行動，計劃帶母親大人&親戚們跟團出國玩下。

你地可能會覺得Lady C.我為3%既消費稅增幅而提早去日本有D誇張，無錯，加3%消費稅對自由行日本可以話係0影響（購物可以退稅嘛），但係對於一眾懶得諗行程既旅行團fans嚟講就會係壞消息，因為旅行社隨時因為要承擔3%加幅而加價！既然遲早都打算去日本，Lady C.我又點會硬食漲價呢？執書行頭慘過敗家呀！

而其實Lady C. 's母親大人對於跟團有D微言架，話晒佢都知道我成日做團長帶friends周圍red，依點我都直認衰女既，事關近排都真係plan左唔少行程，要plan幾日日本遊都真係有壓力（懶係主因），唯有說服母親大人參加鴨仔團啦，間中比人照顧下，感覺都幾好丫係咪？

我知道如果母親大人冇親眼睇過東京鐵塔同富士山，佢實會當自己冇去過日本。睇番我搜集番嚟既遊日情報，美麗華旅遊既東京5天團其實好岩母親大人心水，5日遊東京、箱根、富士山喎，咩景點都應該行晒啦~ 不過我又擔心佢地會唔係好夠體力，始終佢地年紀比較大，要攀富士山又要爬東京鐵塔，加上佢地又唔似得Lady C.我咁鐘意敗家血拼，咁成個trip會唔會有D辛苦同悶呢？

諗清楚之後，我決定轉軚帶母親大人去日本過個白色聖誕，報12月團去大阪順便浸溫泉就岩晒喇！連哄媽咪妥協既理由我都諗好架喇──「大阪以前係日本首都嚟架！去參觀你未見過既大阪城、四天王寺點都抵過到東京鐵塔、富士山到此一遊啦？果D你睇相睇戲都睇到悶啦！」再遊完靚靚白川鄉、兼六園雪景，然後先去浸個暖粒粒既溫泉，一定舒服到難以想像呀~~~~~



我諗母親大人應該唔會發現倒我揀大阪團有咩私心掛？真相係好鐘意手作品既Lady C.我好想順便行下大阪東急手創館呀！（10月31日前Visa卡購物有95折呀，Lady C.應該無緣lu），打個白鴿轉睇下有冇咩收獲都好嘛。除左我最愛既手作品，果度仲有化妝美體用品同大量特色紀念品，母親大人&親戚可以喺果度揀埋手信呀！

奉上Lady C.收集既其他遊日旅行團情報~