​Asia Miles優越獎勵機票分兩級 平里數機票選擇變少？
​Asia Miles優越獎勵機票分兩級 平里數機票選擇變少？
更新日期: 2014 年 10 月 23 日
相關信用卡:

​Asia Miles優越獎勵機票分兩級 平里數機票選擇變少？

發表日期: 2014 年 10 月 23 日 更新日期: 2014 年 10 月 23 日 Asia Miles 信用卡旅遊
作者:Lady C.

最近Asia Miles將優越獎勵機票(Priority Awards)等級一分為二，變成級別一同級別二，而所需要嘅兌換里數同之前亦唔同咗。HongKongCard.com 會員 percysmith 發現呢個情況，就喺討論區提出嚟同大家研究下，睇下對之後換機票有咩影響，大家可以去呢度一齊參與討論 (喺度要感謝 percysmith 極速發表呢個話題)。


 
首先約略講下優越獎勵機票其實係咩嚟先，就係可以用多啲里數，係熱門地點或者旺季，會有多啲選擇，包括來回程日期同航班等。而新嘅優越獎勵機票可以換經濟位 (國泰 / 港龍)同特選經濟位 (國泰)。

Asia Miles換機票所需里數一覽

 
相對比起之前嘅優越獎勵機票，不論係新嘅級別一同級別二，換機票里數整體上都係低過以前 (除咗級別二部分較長途航班)。不過級別一同二嘅來回經濟位，所需里數同標準嘅商務位差不多，除非行程日期冇得將就，或者旺季要飛，否則都係會換返標準獎勵機票啦。當然，你亦可以分開一張標準，一張優越咁換，不過加埋嘅里數會多過級別一來回，基本上都唔使考慮。

為咗睇下用標準同優越獎勵機票有咩分別，我試咗Check聖誕期間 (12月22號出發，2015年1月1號回程) 香港來回洛杉磯經濟位機票，大家可以睇下以下幾幅圖。

標準獎勵機票只係得23、24號去，30號返，其他日子冇得揀，完全唔係預定日子。
 
優越獎勵機票級別一就多咗啲選擇，預定日子都有得飛。
 
優越獎勵機票級別二就仲多選擇，可以話想邊日飛都得。
 
再睇下可以選擇嘅航班，級別一去程三班，回程一班。
級別二去程四班，回程三班，選擇又係多咗。
試埋平日 (2015年1月20號去、1月28號返)，標準獎勵機票出發日子多返啲，不過航班仍然較少，其中一班仲話只剩少量機位。
級別一航班選擇多啲，之前標準獎勵機票話只剩少量嗰班機，亦冇咗提示。
 
由此可見，標準獎勵機票、優越獎勵機票級別一、級別二的確係有分別 (不過有時級別一、二之間嘅選擇都係差不多)。特別係假日旺季，級別一、二選擇仍然好似淡季一樣，比標準獎勵機票有更多選擇，梗係啦，俾咁多里數，實俾你揀啦，不過級別一同級別二唔係差好多。旺季標準獎勵機票選擇少咗，感覺上好似變相Cut減啲標準獎勵機票嘅Quota，如果實情真係咁樣，平里數機票冇咁多選擇，算唔算有少少趕客呢？