​專儲里數 航空公司聯營卡比較
​專儲里數 航空公司聯營卡比較
更新日期: 2015 年 03 月 24 日
相關信用卡:

​專儲里數 航空公司聯營卡比較

發表日期: 2015 年 03 月 24 日 更新日期: 2015 年 03 月 24 日 Asia Miles 信用卡Avios 信用卡生活
作者:Lady C.

簽卡儲里數，唔同人會用唔同信用卡。如果你比較偏愛某間航空公司，又或者經常搭某些航線，除咗用一啲針對儲里數嘅卡，亦可以用一啲航空公司聯營卡，集中儲嗰間航空公司嘅里數。


香港有下面呢幾張航空公司聯營卡，當中以AMEX同大新英航比較多人用同較易儲里數，恒生日航卡目前唔接受申請。由於佢哋都會自動兌換里數，所以唔收兌換手續費，亦唔存在積分過期嘅問題 (不過里數就會過期)。以下個表列出咗呢幾張卡嘅基本資料：



同一地點不同計劃里數有異
去同一個地方，唔同飛行里數計劃所需嘅里數都會唔同，例如香港來回去東京經濟艙：
Asia Miles：30,000里數
英航Executive Club：20,000 Avios
香港航空 (金鵬俱樂部)：38,000里數
聯合航空MileagePlus：45,000里數
新航KrisFlyer：25,000里數

如果我用返聯營卡儲呢個里數，基本本地 / 海外簽賬(唔計其他額外獎賞)就要：
美國運通國泰航空尊尚信用卡 (Asia Miles)：$180,000 / $120,000
大新英國航空白金卡 (英航Executive Club)：$120,000 / $80,000
工銀亞洲香港航空Visa白金卡 (金鵬俱樂部)：$304,000  / $304,000
大新聯合航空萬事達卡 (MileagePlus)：$360,000  / $225,000
中銀新加坡航空VISA白金卡 (KrisFlyer)：$250,000 / $250,000

睇所需里數，就係英航Executive Club同新航KrisFlyer比較低；但係計返要簽幾錢，因為每張卡兌換比率唔同，就係Asia Miles同英航Executive Club抵啲。另外，AMEX可以入機場貴賓候機室，睇戲又有9折；大新英航卡買返英航機票有2X Avios，都算吸引嘅。

其他里數卡比較
如果同其他里數卡比，航空公司聯營卡又有冇優勢呢？有啲里數卡，例如東亞Flyer World萬事達卡、渣打WorldMiles卡，可以做到本地簽賬$5=1里數，基本本地簽賬$150,000就換到日本機票，計落自然會易儲啲。DBS Black Card本地簽賬HK$6 = 1里數；海外簽賬$4=1里數，比聯營卡更好更易賺。而Citibank PremierMiles信用卡可以換10個飛行里數計劃嘅里數，包括Asia Miles、英航Executive Club、KrisFlyer，勝在有得揀，彈性較大。雖然佢本地$8=1里數，但海外簽賬亦係$4=1里數，勝在有得揀，彈性較大。