雲閃付App而家可以在香港Google Play同埋Apple App Store下載,優惠都吸引,註冊綁卡再用二維碼做一次消費,就有88蚊人民幣紅包。問題係,雲閃付同之前用緊嘅銀聯手機閃付又有乜嘢分別?雲閃付究竟係乜嘢性質嘅支付系統?媽呀好亂呀!

雲閃付 vs 銀聯手機閃付

先講雲閃付同銀聯手機閃付嘅分別同關係:

其實銀聯從2015年尾已經有雲閃付,係一個虛擬卡片技術,即係好似Visa嘅payWave嘅EMV技術。發展到今日,雲閃付主要支付服務有:「銀聯IC卡」,即係信用卡上有QuickPass標誌嘅卡;「銀聯手機閃付」,即是將銀聯卡綁落手機,如Apple Pay,或某些銀行自家手機應用,如ICBC手機app;同埋「二維碼支付」,即是透過手機app,掃QR Code付款。

所以,簡單一句,「銀聯手機閃付」係「雲閃付」嘅一部分。而家我哋要介紹嘅,係「雲閃付」另一部分「二維碼支付」。(有關「銀聯手機閃付」優惠,我哋另有一篇深度文章,啱用請bookmark

二維碼教學

之前港澳地區一直都用唔到,到最近大鑼大鼓宣傳嘅就係呢個二維碼。老實講,呢個服務在香港暫時用到嘅地方唔算多,主要都係返大陸用,就連佢推廣送嘅紅包都係人仔。

截至現時為止,可以用雲閃付二維碼嘅香港銀聯卡包括:中銀、交銀、僑達國際。

綁卡好簡單

  1. 先下載「雲閃付」app,入去會見到一堆銀聯優惠(非二維碼獨有)
  2. 最底有3個icon,用右邊「卡片管理」入銀聯卡資料
  3. 等短訊入驗證碼
  4. 成功綁定。

要用二維碼付款亦好簡單

  1. 綁完卡之後,就可以用底下左邊icon「付款」
  2. 用相機掃QR Code
  3. 一下搞掂,online買嘢都用得。

註:用戶每日只限於同一商戶使用優惠一次

*指定10間門店(詳情請向店員查詢)

+銅鑼灣勿地臣街17-21號崇蘭大廈地下C舖

#香港城市大學及沙田新城市廣場一期店除外

^指定20間門店(詳情請向店員查詢)

電子錢包 教學 系列:

【電子錢包 教學(一)】銀聯 雲閃付 二維碼 優惠 合集

【電子錢包 教學(二)】WeChat Pay 信用卡 香港內地 增值 轉賬 積分 里數 優惠 合集

【電子錢包 教學(三)】PayMe 信用卡 優惠 里數 積分 迎新 增值 限額 合集

【電子錢包 教學(四)】八達通 OePay 信用卡 優惠 里數 積分 增值 限額 合集

【電子錢包 教學(五)】 AlipayHK 信用卡 增值 轉賬 積分 里數 優惠 合集