獨一無二 信用卡 自定卡面教學

平時每張信用卡嘅卡面都一模一樣，如果想要一張獨一無二嘅信用卡， eye信用卡可以做得到，俾你任意設計卡面。

設計步驟
首先喺建行（亞洲）網頁搵到eye信用卡嘅主頁，如果想體驗下點設計，可以撳「試玩版」。而打算申請就可以直接撳「立即申請」，填完資料後再設計卡面。

一開設計版面，先揀自己想印嘅相然後上載，不過要留意，卡面嘅圖片只可以係動物、植物、人物同風景。

揀好之後，可以自己調整大小同決定卡面字樣顏色，睇過鍾意就按「確定」即完成。

迎新優惠
呢張卡要同建行（亞洲）八達通銀聯雙幣信用卡一齊申請先有迎新優惠，依家全新客戶網上申請即送「2017建行（亞洲）香港美酒佳餚巡禮」入場券2張，交齊文件再送$150超市禮券。
而申請時可以揀「$500現金回贈」或「Lenovo G03智能運動手帶」做迎新禮品，兩張卡分別要喺出卡後3個月內簽滿$4,000就可以。
如果揀咗「$500現金回贈」嘅話，建行（亞洲）八達通銀聯雙幣信用卡除左要出卡後3個月內簽滿$4,000外，亦需啓動八達通自動增值服務同自動增值一次。

其他申請優惠
如果揀「Lenovo智能運動手帶」做迎新禮品，又成功開立指定港元儲蓄或支票戶口，仲會送「Jabra Halo Free藍牙無線耳機」添！選用指定銀行服務仲可以增加抽獎機會，有機會抽中「雙人北極光體驗之旅」。

基本優惠
以eye信用卡網購或Visa payWave拍卡畀錢好著數，可享5倍積分。而儲開里數嘅話，可以做到$3/里，現金回贈就有2%回贈。如你同時已登記「賞即飛天地」，海外同旅遊簽賬可賺額外2倍積分，即係相當於$2.14/里同大約2.8%回贈。另外，旅行方面嘅費用可以0%利息同0%手續費咁分6個月慢慢還。

溫馨提示

1. 迎新優惠只限申請前6個月冇任何建行（亞洲）信用卡嘅申請人
2. 網購同Visa payWave額外積分上限係300,000 （只適用於eye信用卡）
3. 「賞即飛天地」每年只有首$50,000海外及旅遊簽賬有額外積分 （只適用於建行（亞洲）白金信用卡，不包括任何銀聯雙幣信用卡、公司卡及建行（亞洲）香港航空Fly Away信用卡）
4. 上述優惠受條款及細則約束，如有爭議，一切以銀行最終決定為準

建行(亞洲)eye卡詳情：https://www.hongkongcard.com/welcome-offers/ccb-eye-visa