更新日期: 2021 年 01 月 01 日
通常喺當地出產或製造嘅產品,買咗之後原封帶出境,先可以退稅。而可退稅產品類別各有不同,例如衫褲鞋襪、手工藝品、珠寶等等。通常喺當地即時開封或享用嘅物品或服務都冇得退稅,不過某些國家喺餐飲、租車、酒店住宿都有得退稅或免稅。
唔同國家有唔同退稅方式,但基本上大同小異,主要都係要拎返正式單據、退稅單,然後去機場搵海關或相關部門櫃檯檢查同蓋章,再去退稅。基本流程:
我將部分中南美國家嘅最低退稅消費金額列咗出嚟,唔同國家要注意嘅嘢都唔同,下表亦列咗各國要留意嘅退稅事項:
國家 | 稅率 | 最低退稅消費額 | 特別退稅事項 |
阿根廷 | 21% | 70阿根廷披索 (ARS) 或以上,約HK$34.44 | 國際退稅公司退稅, 扣除手續費後,實際稅率約13% (Global Blue) |
智利 | 19% | - | 喺已向智利稅務局註冊嘅酒店住宿, 以外幣 (美元) 或外國信用卡支付住宿費用,可免收增值稅 |
哥倫比亞 | 16% | 250,000哥倫比亞披索 (COP) 或以上, 約HK$680.45 |
帶齊所需文件 (購物單據、護照), Check-in前喺機場搵國家稅收及海關 (DIAN) 辦事處, 填返退稅表格,稅款將會喺3至6個月內退返入信用卡 |
厄瓜多爾 | 14% | 一單50美元或以上,約HK$387.83 | -退稅入信用卡 -喺貼有退稅標誌嘅舖頭買嘢或酒店住宿,索取收據及稅單 -帶同原封貨品到機場檢查及蓋章 -將相關文件連同護照副本放入信封,再放入指定收集箱 (一般會在120個工作天內退稅) -可以上網輸入護照號碼檢查退稅進度 |
圭亞那 | 16% | 20,000圭亞那元 (GYD) 或以上,約HK$759.37 | -店舖會喺當眼處展示由圭亞那稅務局發出嘅增值稅登記證,買嘢要索取收據及稅單 -喺機場或邊境填妥退稅表格帶同商品、相關文件、護照副本、單據去海關檢查蓋章 -提交退稅申請後,退稅支票將會寄到填喺表格上嘅地址 |
烏拉圭 | 22% | 600烏拉圭披索(UYU),約HK$163.87 | -國際退稅公司退稅,扣除手續費後,實際稅率約14.43% (Global Blue) -餐飲、自駕租車以信用卡 (Visa / MasterCard) 簽賬,會自動退稅約18%。 |
墨西哥 | 16% | 信用卡: 交易最少1,200墨西哥披索(MXN),約HK$457.6 現金: 交易上限3,000 MXN,約HK$1,144 |
-退稅公司退稅, 扣除手續費後,實際稅率約8.9% (MoneyBack / Tax Free) -退入信用卡 -退稅文件需要入境表格 (Immigration form,FMM),海關可能會收,所以最好先影印 -可以上網輸入護照號碼檢查退稅進度 (Tax Free) |
巴哈馬 | 7.5% | 25巴哈馬元(BSD)約HK$193.98 | 國際退稅公司退稅, 扣除手續費後,實際稅率約5.92% (Global Blue) |
退稅可以慳到錢,響HongKongCard.com申請埋以下有優惠嘅信用卡,賺埋現金回贈,咁就仲抵!