買靚衫靚袋有水回 歐洲退稅攻略
買靚衫靚袋有水回 歐洲退稅攻略
相關信用卡:

買靚衫靚袋有水回 歐洲退稅攻略

發表日期: 2019 年 02 月 01 日 更新日期: 2021 年 01 月 01 日 旅遊
作者:編輯部

好多人都唔知歐洲買嘢要點退稅,其實退返嚟嘅稅額都好可觀,隨時可以打個85折返嚟!即刻睇下歐洲退稅基本資料先!

 

歐洲 旅遊 購物 掃貨 退稅 資料

其實歐洲嘅退稅唔算好複雜,但如果去幾個歐盟國家,就記得要根據自己嘅行程,安排好退稅嘅地點。

 歐洲退稅基本資料
退稅資格 非歐盟成員國居民、外地旅客
同一日喺同一舖頭買滿最低退稅消費額
可退稅舖頭 貼上國際退稅公司標誌
例如Tax Free、Global Blue。
可退稅貨品 未開封貨品,可經隨身手提或寄艙行李帶出境
不可退稅貨品 ・已開封貨品
・郵寄返港嘅行李
退稅手續 如果行程去幾個歐盟成員國,
可以喺行程最後一個歐盟成員國辦理退稅手續。例如行程係:
香港 > 法國 > 德國 > 意大利 > 香港
可以喺意大利一次過做退稅。香港 > 法國 > 瑞士 > 德國 > 香港
可以喺德國做埋法國買嘢嘅退稅。
因為瑞士並非歐盟成員國,就要喺瑞士做返。

舖頭當眼處會貼上國際退稅公司嘅標誌,例如Tax Free SHOPPING、Global Blue。

 

歐洲 旅遊 增值稅率 最低退稅消費額 稅退額 手續費

歐洲各國嘅增值稅都唔同,標準稅率大約係20%-25%,部分貨品稅率會比較低(例如食品、書籍、交通費),但唔係所有嘢都可以退稅。(例如食品、服務)

歐洲退稅通常都唔會退足原來嘅稅額,因為會收手續費。有啲舖頭可以即場退税拎現金,有啲就會同國際退稅公司合作,出境時檢查完再去拎錢。兩種都會收手續費,但通常舖頭退稅手續費會低啲,退返嘅稅會多啲。

我將部分歐洲國家嘅標準稅率同最低退稅消費金額列咗出嚟,再參考退稅公司Global Blue嘅退稅額,計返扣咗手續費之後退稅率畀大家參考:

歐洲各國增值稅及退稅資料
歐洲國家 增值稅(VAT)
標準稅率(%)
最低退稅
消費額

最低退稅
消費額
退稅比率(%)*

比利時 21 €50 10

捷克

21

Kč 2,001

13.74

丹麥

25

kr 300

15.67

德國

19 € 25 8

愛沙尼亞

20

€ 38.01

10.52
愛爾蘭 23 € 30 10
希臘 24 € 50 12
西班牙 21 € 90.16 10.5
法國 20  €175.01 1.2
克羅地亞 25 kn740 14.2
意大利 22 €154.95 12.3
塞浦路斯 19 €50 10
拉脫維亞 21 €44 12.4
立陶宛 21 €55 12.7
盧森堡 17 €74 9.5
匈牙利 27  Ft54001 14.3
荷蘭 21 €50 10
奧地利 20 €75.01 12
波蘭 23 zł200 13.5
葡萄牙 23 €61.5 13
斯洛文尼亞 22 €50.01 10
斯洛伐克 20 €175.01 10.3
芬蘭 24 €40 12.5
瑞典 25 kr200 12.5
英國 20 £30 4.83
*以Global Blue Refund Caculator 計算出扣除手續費後的退稅比率,只供參考。

 

歐洲 旅遊 購物 現金 信用卡 退稅 手續費

退稅可以揀退現金、退落信用卡、支票,不過主要都係前兩者比較方便,要點退就請大家自己衡量。同埋盡可能退歐元,因為退美元或其他貨幣可能會蝕多一層匯率。

 

退現金

可以即時拎返錢,但手續費可能會高啲,又可能要花時間排隊拎錢。

 

退落信用卡

退稅額會高啲,根據退稅公司Global Blue網站,如果將退稅單交到退稅櫃檯申請即時信用卡退款,5日內就可以收到退稅款項。但如果用普通郵寄寄送退稅單,郵寄時間都要2-3個星期,會耐好多。

 

歐洲 旅遊 購物 現金 信用卡 退稅 流程 

每個國家嘅退稅流程可能會有少少分別,但大致如下:

1. 買完嘢俾錢同店員講要退稅。

2. 店員會要求你出示身分證明文件例如護照,證明係旅客。

3. 店員會俾退稅單你自己填返姓名、地址、護照號碼之類嘅個人資料,填完佢會簽名或蓋章作實,同埋會俾信封你之後將單據寄返去。如果要揀信用卡退稅,可以喺退稅單填返資料

4. 提早去機場,因為排隊+檢查+退稅隨時搞兩、三個鐘。

5. 去到機場,帶齊貨品、收據、退稅單、護照去海關櫃枱檢查,檢查完冇問題就會蓋章,然後再去退稅櫃檯退錢。記住,一定要有蓋章先可以退稅

6. 如果貨品要放入寄艙行李,就先檢查咗先去Check-in。有啲國家要Check-in咗先去檢查,咁就要同地勤講話要去退稅,佢就會俾返件行李你,檢查完再寄艙。

7. 如果揀信用卡退稅,可以將已蓋章嘅單據放入舖頭俾嘅信封放入退稅公司嘅收集箱,通常收集箱會放喺退稅公司櫃檯附近。

8. 某啲舖頭、大型百貨公司,可以現場退稅拎現金,但要用信用卡擔保,去到機場可以用退稅機掃描單據,或者照去海關排隊檢查蓋章,之後入落信封寄返去或放入退稅公司收集箱。如果喺限期內唔寄返去,就會喺信用卡扣返退咗嘅金額。

9. 如果係較細嘅機場,或搭其他交通工具離境,嗰度未必有海關退稅檢查,咁就要去指定退稅點辦手續。

 

相關文章
旅遊掃貨有水回 東南亞多國退稅攻略
退稅可以慳到錢,響HongKongCard.com申請埋以下有優惠嘅信用卡,賺埋現金回贈,咁就仲抵!