自殺式極速上位
自殺式極速上位
相關信用卡:

自殺式極速上位

發表日期: 2013 年 07 月 12 日 更新日期: 2013 年 07 月 12 日 生活
作者:水公主
最近網上世界又有一推上報兼成功召喚報警X事件,小導演為左宣傳小電影,竟然玩命係高登出POST問「執到部手機有少女求救片,點處理好?」。唔知係佢太睇小高登仔既同情心,定係太過求出名心切,結果……惹公憤都事小,真係入罪「涉嫌浪費警力」就事大鳥。


其實某程度上幾佩服許芯悅既演技可以呃倒眾生

小導演並冇係條片最後加上「電影宣傳片段」提醒觀眾,好多人鬧爆導演利用人既同情心。大家都擔心會引發「狼來了」效應,第時萬一唔好彩有段片係真既,都冇人會信同出手幫忙。事情發展至今,小導演成功爭取網民集體罷睇。最後套鬼片到底「收視」如何,想必負面回應數量也必如何。

水公主不得不感嘆,人類總係要犯重複既錯,唔肯吸收教訓。以前有小學雞係討論區(我唔記得係邊個啦)留言話要去迪迪尼放炸彈,跟手就被人拉左,就知網絡世界已經唔再好似以前咁「匿名」。莫講話有部份人會做出連「ip都唔使check」呢類自殺式行為(自爆個人資料),就算好似「當年」龍小菌咁笠住面具,其實真係有心要搵,要知你係何許人也都係易如反掌既事。網上發言出post要負責任,係時候要好好教育宣傳下一代。


眼見咁多人排,有冇在座客仲敢慢慢坐慢慢品味?

要上位,方法有好多種。要做犯人定係鄭俊弘,完全係取決於個人選擇。等於要唔要去食據聞要排四個鐘隊既一蘭拉麵咁,覺得值得既,咪去馬囉。

P.S. 水公主覺得陳振聰自爆同小甜甜既親蜜關係,都算係自殺式上位行徑一種。下場如何?兩隻字:抵死。