好多人去旅行都鍾意自由行,而有車牌者更加可以自駕遊,鍾意幾時起程出發都得,去到景點又可以睇夠影夠先走,唔使趕車,真正享受自由行嘅樂趣。北海道、沖繩、台灣都係好Hit嘅自駕遊地點,而澳洲昆士蘭嘅自然風光亦係自駕遊嘅首選。
喺昆士蘭自駕遊有好多路線可以揀,由布里斯本、開恩茲出發,途經黃金海岸、大堡礁、丹特熱帶雨林、上山下海。
大堡礁世界最大珊瑚礁,舉世知名。
丹特熱帶雨林動植物物種豐富,可以感受原始嘅野生世界。
自駕遊當然要租車,Alamo、Avis、Budget 、Europcar、Hertz、National、Sixt呢幾間外國租車公司喺好多國家都有租車點,去到佢哋嘅網站可以預約,多數主要機場都取車點,一落機即刻可以去攞車。預約時更可以揀車型,例如一般房車、七人車、露營車,比較豪華嘅跑車、開蓬車都有得揀。而車上多數會有GPS,唔怕唔識路。
Citibank同
MasterCard都做緊租車優惠,如果近期計劃緊自駕遊,可以諗諗。
最後都要提提大家留意安全,唔理你手車有幾好,始終人生路不熟,又可能左右軚同行者方向都調轉,除咗彎多路窄嘅山路要留神,就算外國啲路闊啲直啲唔好諗住開快車,都係小心駕駛為上。