滙豐信用卡最近出咗個新App，叫做滙豐 Reward+ ，最大賣點係可以隨時隨地用 「獎賞錢」找卡數，仲唔駛特登去指定商戶到用。另外仲可以睇返信用卡交易紀錄、 「獎賞錢」收支紀錄同有效期、登記及收藏優惠， 仲會有提示功能喺優惠到期前7日提醒你添，管理信用卡同賺優惠獎賞就更加方便。
「獎賞錢」直接付款
滙豐Reward+入面嘅「賞付款」功能，可以用「獎賞錢」找卡數，或者只找某一單簽賬嘅全部或部分簽賬。系統係會自動用咗最早到期嘅「獎賞錢」找數先，咁就唔怕會有「獎賞錢」過期冇用到。
可以揀交月結單結欠或個別交易簽賬金額，App 預設係交月結單結欠，直接輸入想用嘅「獎賞錢」金額嚟找數。
撳旁邊「繳付」就可以找個別交易簽賬金額。
一樣係輸入「獎賞錢」金額。
信用卡賬戶管理
呢個App可以睇到用戶名下滙豐信用卡嘅賬戶狀況，例如賬戶結欠、還款到期日、「獎賞錢」結餘、簽賬交易紀錄、「獎賞錢」收支紀錄等等。
喺「賬戶」睇返信用卡資料。
喺「查閱賬戶及交易詳情」可以睇到所有個別交易紀錄。
撳「檢視獎賞錢詳情」睇到「獎賞錢」賺取報告，會分返優惠推廣、基本簽賬、最紅自主獎賞、Visa Signature額外3X「獎賞錢」等，列出「獎賞錢」分別係由邊個途徑賺返嚟。
喺「已兌換」可以睇返「獎賞錢」用嚟換咗做乜野獎賞。
優惠收藏及到期提示
滙豐有唔少限時優惠，可以賺額外「獎賞錢」，喺App入面可以睇返唔同嘅優惠詳情同條款。睇到啱用嘅優惠，可以Bookmark收藏。
喺「禮遇」可以睇到所有滙豐信用卡最紅優惠，仲會顯示埋優惠仲有幾多日就到期，按心形圖案就可以收藏優惠，喺「最近瀏覽」可以見到之前曾經睇過嘅優惠。
撳「篩選」Icon可以用消費類別、地區等資料搜尋優惠。
喺「收藏」睇返Bookmark咗嘅優惠。
已收藏嘅優惠，喺到期前7日會發出提示。
如果優惠需要登記，喺App入面可以直接進行登記，登記完喺「已登記」頁面可以睇返登記資料。
下載及使用 賺高達$80「獎賞錢」
而家起至2018年2月28號，用「賞付款」功能以「獎賞錢」繳付賬單仲有優惠，包括交任何信用卡結單或商戶交易，不論金額都可以賺$50「獎賞錢」；如果呢個交易同時係屬於百老滙或萬寧嘅交易，就可以賺多$30「獎賞錢」，一共$80「獎賞錢」。每人喺推廣期內可獲$50同$30「獎賞錢」各一次，即係高達$80「獎賞錢」。
滙豐信用卡詳情按此
優惠受有關條款及細則約束
借定唔借？還得到先好借！