​里數換機票 八折飛蘇梅 七折飛中國
​里數換機票 八折飛蘇梅 七折飛中國
相關信用卡:

​里數換機票 八折飛蘇梅 七折飛中國

發表日期: 2015 年 07 月 21 日 更新日期: 2015 年 07 月 21 日 Asia Miles 信用卡旅遊
作者:Lady C.

6月初,曼谷航空同Asia Miles成為合作夥伴,可以用里數換機票,最正就梗係換香港直航蘇梅島啦。今個月Asia Miles突然做曼谷航空機票優惠,用八折里數就可以換蘇梅機票,有心想去嘅就要快手換喇。


蘇梅10月中至11月出發
呢個優惠出發時間係10月中至11月尾,其實係蘇梅嘅雨季,雖然佢落雨多數係驟雨,不過大家最好有心理準備啦。呢個優惠換機票嘅時間比較長,去到9月20日,仲趕得切將信用卡積分轉里數換機票,不過當然要儘快,如果唔係轉得里數嚟,啲飛都俾人換晒啦。

佢可以換單程或來回經濟艙或商務艙,但冇得做Open-jaw,如果想玩埋其他泰國或東南亞地方,可以換單程,然後再駁其他交通工具或廉航。

泰國航線
兌換日期:7月21日至9月20日
出發日期:10月15日至11月30日


買香港來回蘇梅機票連稅平時經濟艙要$4,400,商務艙就要$7,900。


暑假末飛中國
同一時間,中國航線都有七折里數優惠,地點包括北京、長沙、成都、重慶、福州、廣州、桂林、海口、杭州、昆明、南京、寧波、青島、三亞、上海(浦東或虹橋)、溫州、武漢、廈門、西安或鄭州等等,不過中國線機票其實好平,我覺得留返啲里數換其他長途或貴艙位機票仲好。

中國航線
兌換日期:7月21日至8月4日
出發日期:8月17日至9月18日


遊泰做Spa簽邊張卡好?
去得泰國,梗係要做下Spa啦,我睇中咗蘇梅Tamarind Springs呢間Spa,佢佈置到好似森林咁,又有岩石砌成嘅蒸氣岩洞同浴池,環境超正。佢有個4小時嘅療程,包1.5小時蒸氣岩洞同浴池,2.5小時自選按摩,每位5,500泰銖 (約$1,237)。


睇相環境超正,唔知實際係點?有冇人去過?

咁簽邊張卡好呢?又同大家計下數啦。以獎賞比率計,渣打係最高,不過簽賬要求幾高。另外東亞World萬事達卡同DBS Eminent Card都要簽夠$5,000先計數,雖然去得旅行都應該會達標,咁自然係簽回贈率高啲嗰張。如果真係諗住慳慳地使錢,成個Trip唔會使多過$5,000,就用匯豐啦,張單夠$500就OK。

東亞World萬事達卡 (詳情)
優惠期至:8月31日
優惠:海外簽賬累積滿$5,000可獲4%現金回贈。
額外獎賞上限:$200
賺取額外獎賞:$49
賺取基本獎賞:$4.94 (1,237分)
獎賞總值:$53.94
獎賞比率:4.36%

匯豐白金卡 (詳情)
優惠期至:8月31日
優惠:單一海外簽賬滿$500或以上,每$100可賺額外$5「獎賞錢」。
額外獎賞上限:
匯豐卓越理財信用卡:$500「獎賞錢」
匯豐運籌理財白金卡、Visa Signature卡、白金卡、Green信用卡、銀聯雙幣鑽石卡:$400「獎賞錢」
其他信用卡:$200「獎賞錢」
賺取額外獎賞:$60「獎賞錢」
賺取基本獎賞:$4「獎賞錢」(非「賞世界」)
獎賞總值:$64
獎賞比率:5.17%

渣打白金卡 (詳情)
優惠期至:9月30日
優惠:每個月累積簽賬滿指定金額,當中海外簽賬、百貨公司、網上簽賬、惠康系超市、屈臣氏等指定類別簽賬,可獲5% (累積簽賬$5,000-$7,999) 或10% (累積簽賬$8,000或以上)現金回贈。
額外獎賞上限:
回贈比率:5%
每月回贈上限:$150
全期回贈上限:$600
回贈比率:10%
每月回贈上限:$300
全期回贈上限:$600
賺取額外獎賞:$61.85 (5%) / $123.7 (10%)
賺取基本獎賞:$4.94 (1,237分)
獎賞總值:$66.79 / $128.64
獎賞比率:5.4% / 10.4%

DBS Eminent Card
優惠:累積簽賬滿$5,000,海外簽賬可獲6%現金回贈。
獎賞上限:每月$300
賺取額外獎賞:$74.22
賺取基本獎賞:$4 (DBS$4)
獎賞總值:$78.22
獎賞比率:6.32%