Plan行程贏Asia Miles里數

好多人去旅行都鍾意自由行或者自駕遊，自己上網查景點、搵路線，Plan下個行程點行，然後再睇下邊張信用卡有訂機票酒店優惠，再順手賺埋積分、里數，務求要度出一個好玩又抵玩嘅旅程。其實賺里數除咗買機票，或者用嗰幾張專儲里數嘅卡消費，仲有其他途徑嘅。

如果行程有特別活動，要帶乜嘢相關嘅隨身物品可能都係Plan嘅一部分

就好似Asia Miles而家搞緊「亞洲萬里通」夢想假期活動 (詳情)，亦都可以賺里數。Asia Miles會員可以計劃一個最長七日、最短一日嘅行程，包含最少一間Asia Miles嘅合作Airline，同埋最少一間汽車運輸、酒店、旅遊消閒類別嘅合作夥伴，連埋最少一張相，就可以參加。評判會以創意、可行性、趣味性同埋當中包含嘅非航空公司夥伴商戶嘅數目呢四個準則嚟評分。獎項方面，冠、亞、季軍各1名，同埋評判推介20名，分別可以得到50,000、30,000、10,000同1,000里數。想唔使錢賺里數，快啲比心機度一個無敵行程出嚟啦，8月8號截止喇。