Merry Christmas~@ 禮物篇
Merry Christmas~@ 禮物篇
相關信用卡:

Merry Christmas~@ 禮物篇

發表日期: 2013 年 11 月 28 日 更新日期: 2013 年 11 月 28 日 Asia Miles 信用卡購物
作者:Lady C.

年年都比人投訴Lady C.我揀禮物好求其,事關佢地總可以喺唔同精品店嘅「推薦聖誕禮物」專櫃上面搵倒我送比佢地果份……今次我晨咁早搵定一堆買禮物着數,一於慳住開心送~

Present for Girls(女友 / 女性朋友)
其實送禮物女仔比送比男仔簡單得多,因為大部份女仔鐘意/需要嘅嘢都離唔開手袋、首飾、護膚品同化妝品,不過始終手袋同首飾係屬於比較個人嘅物品,如果唔係好了解收禮對象嘅喜好同風格就唔建議冒險喇,人地唔戴/唔用咪盞晒又尷尬~

既然係咁,可以考慮送化妝品比平時有化開妝嘅朋友呀~ 如果買嘅量唔多,可以用HSBC碌7折天使化妝品;多嘅話就可以碌恒生,雖然相比之下冇咁平,但係如果係買La Rochelle Paris產品滿$2,000,會有3份總值$1,630嘅贈品架(=半買半送!)

另外,唔知Budget OK嘅HSBC卡主會唔會考慮買SK-II比朋友呢?買滿$2,200有得送專業護膚指導、面膜、護膚潔面啫喱同SK-II PiteraR重組護理一次架!

SK-II唔岩用,選擇送護膚品滋潤下都好呀。宜家恒生同The Body Shop做緊聖誕優惠,費時諗嘅朋友就直接揀抵用嘅5折嘅精選禮盒套裝啦~有心水貨嘅話都適用全線貨品6折優惠,我個人推薦蜂蜜Body Cream,用過都幾香幾潤又襟擺。不過想買要快!優惠做到11月30日,剩番2日咋!

Present for Boys(男友 / 男性朋友)
同樣地,送禮比男仔最多都係要視乎你清唔清楚收禮物對像嘅喜好同風格,如果你自問夠了解佢,大可以揀鞋、衫或銀包依類貼身D嘅禮物呀~ 我唔知大家會唔會考慮送Clarks呢,貪佢D鞋款夠潮夠大方又夠舒服嘛,不過就要有心理準備,價錢會比較貴喇,好彩用恒生/Citibank卡碌都叫做有個9折



如果留意到(男)朋友仔有戴手錶,可以諗下去時間廊睇下85折ellesse手錶(星展卡優惠) / 去ToyWatch揀隻9折靚錶(大部份卡都有呢個優惠)送比佢; 又或者朋友會唔會係「龍友」呢?有時間拎埋渣打卡去豐澤行下,除左指定產品(好似FUJIFILM F1.8大光圈相機)有優惠價之外,買任何數碼單鏡反光相機及可換鏡頭數碼相機,即送16GB記憶卡乙張!

Present for Family (父母 / 親戚)
聖誕咪淨係記得愛情同友情先得架,仲要買禮物孝敬長輩呀!父母輩可能都唔鐘意D「唔等洗嘅嘢」,所以Lady C.會傾向買D保健 / 靚嘢比佢地食~ 屋企人多,可以選擇用東亞卡於12月12日前訂個85折香格里拉酒店「有機健康禮物籃」或「松露鴨肝禮物籃」,一次滿足哂佢地唔同願望。有永隆卡嘅話,可以去華潤堂用8折買到東阿阿膠羹,岩哂阿媽一邊煲古裝劇一邊食。年紀大但身體唔壞,咪用上商卡優惠填好澳洲百利達酒莊份表,揀樽3折靚酒。即刻飲又得,聖誕飲亦得,唔飲住都得,得左。



最後,Lady C.都幾建議有Citibank Premilies卡嘅朋友首先考慮用依張卡買禮物,事關喺2013/12/31前以積分每兌換500「亞洲萬里通」里數,可以獲得8%額外里數獎賞,即係話如果你兌1,500里會額外送多120里(1,500*0.08)架~ 所以我都幾建議大家都係努力「衝積分」賺額外里數着數~~    

送上聖誕禮物優惠情報