Dyson風筒點樣買最抵？

相信對長頭髮嘅女士來講，真係唔可以缺少一個風筒，如果唔係等把長髮自然風乾，分分鐘等到天光都未有得瞓，而近排Dyson就推出咗個Supersonic新風筒，大家都一定要去望望佢喇！

Dyson 嘅設計一向以型格見稱，呢個新風筒除咗有Dyson一貫嘅中空圓形設計，仲有多項好似好勁嘅設計。佢每20秒就會量度溫度，將溫度控制住，有助防止過熱令頭髮受到損害。除咗溫度可以有4個選擇，風速都有3個選擇。而且呢個風筒配合磁力配件，加上配件有唔燙手嘅設計，咁就可以輕輕鬆鬆轉換唔同嘅配件，配合唔同嘅造型需要。我哋睇一睇呢個風筒嘅功能特色先：
 

大家可能覺得吹頭髮好傷，都係等佢自然風乾最好，咁你就要睇睇以下嘅研究喇！韓國就有個研究做咗，睇吓喺唔同情況底下整乾啲頭髮對頭髮有幾大傷害。結果發現溫度越高，對頭髮嘅表層傷害就越大（呢個唔驚奇）。不過研究同時發現就咁等頭髮自然風乾會傷害到頭髮嘅細胞膜複合體(cell membrane complex/CMC)，反而有用風筒吹乾嘅頭髮就冇事。研究人員推測可能係頭髮長時間喺濕嘅狀態，令髮幹(hair shaft)吸入水份脹大，損害到CMC。而頭髮嘅含水量(moisture content analysis)喺邊種方法處理下亦都差唔多。研究就建議用風筒距離頭髮15cm咁吹，而且不停移動，會比等佢自然風乾做成較少傷害。*

* Lee, Y., Kim, Y., Hyun, H., Pi, L., Jin, X., & Lee, W. (2011). Hair Shaft Damage from Heat and Drying Time of Hair Dryer. Annals of Dermatology Ann Dermatol, 23(4), 455. doi:10.5021/ad.2011.23.4.455 
 

▲上香港Dyson網站預購價係$3,380，當然要睇吓有冇平啲嘅方法啦！
 

睇到佢介紹講到咁好，係唔係好心動都想要返一部呢！上香港Dyson個官網度望望，發現每部風筒都要$3,380，我哋就睇一睇其他地方有冇平啲先！去咗Dyson唔同國家嘅網站，發現如果計埋當日嘅匯率，有啲價錢都可以抵過香港喎！例如我哋上美國Dyson網站度睇，折返港紙大概$3,103，上英國Dyson網站發現仲平，折返港紙大約$3,082，計埋運費，可能加加埋埋差唔多，不過如果識得運用信用卡嘅折扣同埋服務，都可以抵好多，順便可以有埋回贈㖭。

▲上美國Dyson網頁，見到預購價係$399.99，計番港元大約$3,103，平咗！

▲上埋英國Dyson網頁，預購價係£299.99，計番港元大約$3,082，再平多少少。

初初以為呢隻風筒喺日本出咗，喺日本買會平啲。點知啲YEN升到一去不復返，計番做港紙仲貴過喺香港買，大家都係死咗條心佢啦。變番做港紙，仲貴過喺香港買300幾蚊呀。

好似Citi Clear Card嘅用戶可以經Borderlinx或者Dimbuy網站代購，呢啲網站就係提供集運服務，可以將你唔同嘅訂單運去同一個美國或者英國嘅地址，再一次過將佢哋運嚟香港，慳返唔少運費㗎！如果買個風筒時夾埋其他貨一齊寄過來香港，咁運費上面就抵咗唔少喇！使用Borderlinx服務，由即日起至11月30日，仲可以享有首次運費8折，其後運費95折嘅優惠㖭，而且運費可以當做網上簽帳，有2%現金回贈，假設運費要$300，加加埋埋就有約$67嘅現金回贈。而使用Dimbuy的話，由即日起去到12月31日，運費都可享有9折優惠。
 

▲識用一定要好好利用集運服務，將唔同嘅訂單集埋晒一齊先運過來香港，慳唔少。

▲DBS Eminent Card本身個基本回贈，海外簽賬有6%回贈已經好吸引，加埋個迎新回贈就更加吸引啦！

除咗喺運費上面努力，都可以喺信用卡嘅回贈同積分入手！DBS Eminent Card方面，如果喺2016年7月31前申請，可以享有20%嘅網上以及海外簽賬迎新現金回贈，亦可享有基本回贈，網上以及海外簽賬有6%現金回贈，不過就要一個月內有$5,000簽賬先有㗎。如果係新申請呢張卡嘅話，買呢個風筒需要$3,082，咁迎新回贈就可以拎到最高嘅$100(如新客戶)，再有6%即係＄184.92嘅基本回贈，加埋都有$284.92㗎。已經有呢張卡嘅，亦都有6%回贈。

另外使用中國建設銀行eye信用卡，憑卡喺網上面消費，就有5倍積分獎賞。

問過Dyson嗰邊，過咗預購嘅時間之後，就會喺各零售點有得賣，所以唔急嘅人可以選擇喺本地電器舖度買，用盡信用卡優惠。由即日起去到8月31日，用恒生信用卡去豐澤購物，精選貨物低至5折，喺豐澤或者豐澤網上商店單一簽賬滿指定金額，可以賺取高達$500 cash dollar。另外登記埋夏日激賞，逢星期六及日單一簽賬值每滿$800就有額外$20 cash dollar。以買Dyson呢個風筒為例，當佢售價都係$3,380，單一簽賬滿$3,000，就有額外$110 cash dollar，再加埋係星期六日簽賬嘅話，就有多額外$80 cash dollar，加埋額外賺到嘅cash dollar已經有$190。

最後同大家總結下：