如果想簽卡賺獎賞,唔儲里數,可以揀專門現金回贈嘅信用卡。Citibank剛剛推出咗一張新嘅 Citi Cash Back Visa信用卡,最高有2%回贈,等我即刻同大家分析下呢張新卡有咩特點。
新卡卡面設計,信用卡號碼印喺卡背
基本資料
申請年薪要求:$240,000
基本簽賬獎賞:1%回贈
額外簽賬獎賞:酒店、食肆、海外及網上外幣簽賬2%回贈
年費:$1,800 (主卡) / $900 (附屬卡)
Visa payWave:O
外幣交易手續費:1.95%
跨境港幣交易手續費:-
酒店、食肆、外幣簽賬2%回贈
呢張卡嘅主要賣點,係本地酒店、食肆、海外同網上外幣簽賬都有2%回贈,其他本地簽賬就有1%回贈。市面上嘅現金回贈卡,部分都有食肆或海外同網上外幣簽額外獎賞,指明包括酒店就少見啲喇。
同埋包括本地酒店簽賬仲有一個好處,就係有啲酒店入面嘅餐廳,商戶編號未必係食肆,會跟返酒店,咁就賺唔到食肆簽賬優惠,又或者要打上CS解釋一大輪都未必拎得返相關獎賞。呢張卡包埋酒店簽賬,去酒店食飯就可以安心賺2%,不過都係唔包酒席宴會、私人宴會、包場派對。
但係條款入面有一項:
「當月累積回贈結餘滿HK$200,基本回贈/外幣回贈/本地食肆回贈/本地酒店回贈之全數將於下一期賬戶月結單中存入認可信用卡賬戶內,並用以抵銷最低付款額以外之結欠及新簽賬。」
即係要儲夠$200回贈先會入落卡,以2%回贈計,要簽夠$10,000先實際拎到回贈;1%就要簽夠$20,000。如果一個月只係簽二、三千,咁就要幾個月先有得回。
30日購物保險保障
用Citi Cash Back Visa信用卡買嘢,有30日購物保險保障,一件受保財物最高賠償3,800美元,喺一宗意外入面嘅最高賠7,600美元。呢個優惠即係Citi PremierMiles卡嗰個,優惠期就至到2018年3月31號。
Visa Signature優惠
呢張新卡係Visa Signature級別,可以享用到由Visa提供嘅Visa Signature優惠,例如香港尖沙咀凱悅酒店自助午餐、香港怡東酒店指定晚餐買一送一。
迎新回贈$1,500
優惠期:至8月31日
全新客戶發卡後首兩個月簽賬滿$15,000,可獲8%回贈 (7% + 1%基本、6%+2%基本),回贈上限$1,200 (包括基本1% / 2%回贈)。
首6,000名全新客戶成功提交申請,可獲額外2%迎新回贈,發卡後首兩個月簽賬滿$15,000,可獲額外$300回贈。
合共$1,500
現金回贈卡比較
市面上有唔少現金回贈卡,例如American Express Blue Cash、大新One+、安信WeWa卡等等,Citibank本身都有Cash Back American Express Card同埋Clear Card,新卡又有冇特別優勢呢?
信用卡 | 現金回贈比率 |
美國運通 Blue Cash信用卡 | 本地及海外 1.2% |
Citi Clear Card | 網上外幣 1.2% |
其他 0.4% | |
Citi Cash Back American Express Card | 餐飲 2% |
其他 1% | |
大新ONE+白金卡 | 本地及海外 1% |
大新ONE+Titanium卡 | |
DBS Eminent Visa Signature Card | 海外及網上外幣 2% 其他 1% 本地食肆 1.2% |
DBS Eminent Visa Platinum Card | |
渣打 行政人員白金信用卡 | 海外 2% |
本地 1% | |
安信 EARNMORE白金卡 | $100回$1 1% |
安信 EARNMORE普通卡 | $150回$1 0.67% |
安信WeWa白金卡 | 旅遊、卡拉OK、 戲院、主題公園 4% 其他 0.4% |
安信WeWa普通卡 | |
東亞 i-Titanium 卡 | 網上簽賬 3% |
其他 250回$1 0.4% | |
信銀國際Motion信用卡 | 網上簽賬 5% |
基本 $180回$1 0.55% |
Citi Cash Back Visa信用卡基本回贈1%同食肆、外幣簽賬2%,有幾張卡都做到。如果計埋唔係直接現金回贈嘅卡,例如滙豐「最紅自主獎賞」「賞滋味」或「賞世界」6X「獎賞錢」、東亞Visa Signature卡食肆6X積分就有2.4%;如果滙豐係Visa Signature卡額外多3X,回贈去到3.6%,所以唔算十分突出,酒店2%就算係比較特別。
如果嚟緊有$15,000左右嘅簽帳,出卡嚟賺10%迎新回贈都唔錯嘅。
Citi Cash Back Visa信用卡詳情按此
限時優惠:
【申請DBS Black World MasterCard賺12X DBS$及$150禮券!】
【經HongKongCard申請美國運通I.T Cashback卡,可額外獲贈$200禮券】
【經HongKongCard申請WeWa卡,額外享$200現金回贈】