Agoda訂酒店賺AM里數
Agoda訂酒店賺AM里數
相關信用卡:

Agoda訂酒店賺AM里數

發表日期: 2016 年 08 月 03 日 更新日期: 2016 年 08 月 03 日 Asia Miles 信用卡旅遊
作者:Salad Ho 沙律

​話說就嚟去東京旅行,於是我嘗試下用Agoda訂酒店,諗住順便賺下里數。而家Agoda有個PointsMAX計劃,只要喺Agoda 訂房同確認酒店,選擇PointsMax優惠套餐並完成住宿,就可以賺到AM。

今次只係新手上路想試一試呢個promotion,同Expedia及Hotels.com比較下,發覺Agoda都幾抵。

1.進入Agoda網站之後揀「亞洲萬里通」。


​2.選擇心水酒店,因為之前揀咗Asia Miles,所以瀏覽客房類型時,好方便咁show到房價同埋可以賺到嘅里數。以下圖為例,如果唔賺「亞洲萬里通」,房價會平啲!例如下圖呢間酒店一晚$1,699/冇里數賺。如果要賺5,200里,就要加多$202,即係$1901一晚,換而言之其實用$202買到5,200里!


​3.去到畀錢版面之後,記得喺「亞洲萬里通里會員編號」呢度輸入會員號碼,而里數就會喺完成認可住宿後6至8星期內入帳。
 


​搵搵下見到心水酒店喇!我對新宿王子大酒店幾有興趣,見到最平$981一晚,仲可以賺300里。如果選擇$1097一晚,只要畀多$116,就可以賺到3000里,係300里10倍呀!(未計稅項)


​不過我心思思想睇埋Expedia同Hotels.com先決定。
Expedia做緊每消費滿HKD10就可以賺 2里「亞洲萬里通」 里數。
​比較一間酒店、房種同入住日子,Expedia做緊$1150一晚(未計稅項),計落可以得230里!對比Agoda$1097一晚賺3000里,Agoda平少少少之餘,仲賺多好多里數。​


​再去埋Hotels.com睇,而家同樣做緊消費滿HKD10就可以獲得 2里「亞洲萬里通」 里數。
​比較一間酒店、房種同入住日子,同Expedia一樣,新宿王子大酒店係$1150一晚(未計稅項),計落可以得230里!都係Agoda較抵。