英航Executive Club有個里數計劃,可以換oneworld成員機票,積分叫做Avios。玩法同Asia Miles差唔多,不過AM就比較多香港人識,而且較易儲到。不過換短線機票嚟講,用Avios就抵一大截lu~其實本地都有幾間銀行出咗信用卡畀人儲Avios,而且兌換率都唔錯㗎!今次list咗6張可以儲Avios嘅信用卡做個比較。

1.比較本地簽帳、海外簽帳及兌換里數手續費

大新英國航空白金卡同Citibank Prestige信用卡簽帳換Avios個rate一樣,本地$6/1 Avios,外地都係$4/1 Avios。
而大新英國航空白金卡喺生日簽賬:HK$6 = 2 Avios。如果猶豫緊邊張好嘅話,可以考慮埋之後嘅比較,因為大新英國航空白金卡嗁入息要求比Citibank Prestige信用卡低。
美國運通白金信用卡要換里數,係要加入「加倍加賞」積分計劃,年費$240。

2.年費、入息要求比較

入息要求嚟講,大新英國航空白金卡同Citibank Rewards信用卡要求最低,不過睇返換Avios個rate,Citibank Rewards信用卡要HK$15/1 Avios,大新英國航空白金卡先係$6/1 Avios咋!

大新英國航空白金卡同Citibank Prestige信用卡簽帳換Avios個rate一樣,不過Citibank Prestige信用卡入息要求係600,000,要求係大新英國航空白金卡($150,000) 嘅4倍。

3.比較迎新

如果以儲里數嚟睇,Citibank Prestige信用卡同Citibank PremierMiles信用卡最吸引。
Citibank Prestige信用卡交完畀年費就有15,000AM,可以換到台灣機票㗎喇。而用Citibank PremierMiles信用卡簽夠金額都最少送20,000里!

4.比較特色

如果想主攻儲里數,建議返大新英國航空白金卡同Citibank Rewards信用卡畀你,兩者於生日簽帳都可以賺多啲里數。而Citibank Rewards信用卡就生活代少少,連喺超市、百貨公司、電訊公司畀錢都有加倍積分,做到$3/1 Avios。

總括嚟講,儲Avios心水信用卡都係大新英國航空白金卡,兌換rate:本地$6/1 Avios,外地$4/1 Avios,係最抵之一,除此之外,入息要求唔高,比較大眾化