除咗「亞洲萬里通」之外,香港部分信用卡都可以儲Avios,換短途航班會比較著數。雖然唔係太多信用卡可以儲到,但唔同簽賬用啱卡可以更快儲到Avios,咁就更快儲夠里數換機票啦。
零售簽賬、八達通自動增值、手機支付
呢三類簽賬都可以揀大新英國航空白金卡同Citi Prestige信用卡,本地簽賬都係$6/Avios,但用大新ba卡喺生日當日簽賬每$6有2 Avios,即係$3/Avios。
另外,大新ba卡嘅里數會直接存入賬戶,而Citi Prestige信用卡就要自行兌換。
飲食簽賬
飲食簽賬可以揀滙豐信用卡或大新英國航空白金卡,但滙豐信用卡要有滙豐卓越理財信用卡先可以將「獎賞錢」換成Avios。
滙豐信用卡登記咗「最紅自主獎賞」嘅「賞滋味」後,會有6倍「獎賞錢」,即係$2.78/Avios。Visa Signature卡會有額外3倍「獎賞錢」,總共係9倍「獎賞錢」,即係$1.85/Avios。
大新卡嘅飲食簽賬係$6/Avios。
網上簽賬
網上簽賬用滙豐信用卡或大新英國航空白金卡都比較著數,但要有滙豐卓越理財信用卡先可以換Avios。
滙豐信用卡登記咗今年嘅「最紅網上簽賬獎賞」後,每階段簽滿$3,000會有額外5倍「獎賞錢」,即係$2.78/Avios。
如果登記埋「最紅自主獎賞」嘅「賞世界」或「賞中華」,會有再多5倍「獎賞錢」,會係$1.52/Avios,而Visa Signature卡就會係$1.19/Avios。
大新ba卡嘅網上簽賬係$6/Avios,但海外簽賬會係$4/Avios。
超市簽賬
超市簽賬可以考慮滙豐信用卡或Citi Rewards信用卡,但滙豐信用卡要有滙豐卓越理財信用卡先可以將「獎賞錢」換成Avios。
滙豐信用卡登記「最紅自主獎賞」嘅「賞家居」後,會有6倍「獎賞錢」,即係$2.78/Avios。用Visa Signature卡會再多3倍「獎賞錢」,可以做到$1.85/Avios。
而Citi Rewards信用卡嘅超市簽賬會有5倍積分,即係$3/Avios,生日月份會係8倍積分,即係$1.875/Avios。
海外簽賬
海外簽賬可以用滙豐信用卡或Citi PremierMiles信用卡,但要有滙豐卓越理財信用卡先可以將「獎賞錢」換成Avios。
滙豐今年有「最紅海外簽賬獎賞」,每階段簽滿$3,000後會有額外5倍「獎賞錢」,即係$2.78/Avios。登記埋「最紅自主獎賞」嘅「賞世界」或「賞中華」後,海外簽賬會有額外5倍「獎賞錢」,總共係11倍「獎賞錢」,即係$1.52/Avios。Visa Signature卡會有再多3倍「獎賞錢」,可以做到$1.19/Avios。
Citi PremierMiles信用卡海外簽賬係$4/Avios,但簽滿$20,000或以上會係$3/Avios。
感應式支付
如果習慣拍卡畀錢,就可以揀Citi PremierMiles信用卡,會係$8/Avios。
網上繳費
網上繳費可以用滙豐信用卡,會係$16.67/Avios,不過只限首$10,000,而且要有滙豐卓越理財信用卡先可以換Avios。
簽賬類別 | 信用卡 | 最低里數比率 |
零售簽賬、 八達通自動增值、 手機支付 | 大新 英國航空 白金卡 | $3/Avios |
飲食簽賬 | 滙豐 Visa Signature卡 | $1.85/Avios |
網上簽賬 | 滙豐 Visa Signature卡 | $1.19/Avios |
超市簽賬 | 滙豐 Visa Signature卡 | $1.85/Avios |
海外簽賬 | 滙豐 Visa Signature卡 | $1.19/Avios |
感應式支付 | Citi PremierMiles 信用卡 | $8/Avios |
網上繳費 | 滙豐信用卡 | $16.67/Avios |
里數計算機
唔想自己慢慢計每個月用咁多錢儲到幾多里數?依家HongKongCard推出咗里數計算機,只要輸入簽賬額就會顯示所賺里數,可以知道自己喺某一種簽賬儲到幾多里數。
里數計算機可以計到「亞洲萬里通」、Avios、鳳凰知音同KrisFlyer嘅里數,部分信用卡有額外積分上限,例如滙豐「最紅自主獎賞」額外「獎賞錢」會有上限,里數計算機都可以就住上限計出答案㗎。
教學:https://www.hongkongcard.com/blogs/2215
不過溫馨提示,
1.部分信用卡兌換Avios時要畀手續費
2.網上繳費只有滙豐卓越理財信用卡、滙豐運籌理財白金Visa卡、滙豐Visa Signature卡、滙豐白金Visa卡同埋滙豐銀聯雙幣鑽石信用卡有「獎賞錢」
3.如有爭議,一切以銀行最終決定為準
相關文章
2018 必備 信用卡(一)賺 里數
2018 必備信用卡(二)賺 現金回贈