2018年開始,部分信用卡嘅優惠條款都有唔同。日常生活用啱信用卡,就可以更快儲夠里數換機票啦!今次分享想儲「亞洲萬里通」里數嘅話,唔同簽賬揀邊張卡比較好。

飲食簽賬
喺本地食肆簽賬,可以揀滙豐信用卡或者渣打亞洲萬里通萬事達卡

滙豐信用卡登記咗「最紅自主獎賞」嘅「賞滋味」後,會有額外5倍「獎賞錢」,即係有6倍,可以做到$4.17/里。
如果係滙豐Visa Signature卡,登記「賞滋味」後加上本身有額外3倍「獎賞錢」,總共有9倍「獎賞錢」,會係$2.78/里。
不過要留意,要畀$300年費參加飛行獎勵計劃先可以將「獎賞錢」換成「亞洲萬里通」里數。

渣打亞洲萬里通萬事達卡所有食肆簽賬都係$4/里,而且里數會直接存入「亞洲萬里通」賬戶,唔需要兌換。

超市簽賬
去開超市簽賬,可以考慮Citi Rewards滙豐信用卡

Citi Rewards喺本地超市簽賬會有5倍積分,即係$3/里。
如果喺生日月份簽賬,仲會有8倍積分,可以做到$1.875/里。

滙豐信用卡登記「最紅自主獎賞」嘅「賞家居」後,會有6倍「獎賞錢」,即係$4.17/里。
滙豐Visa Signature卡本身有額外3倍「獎賞錢」優惠,所以會有9倍「獎賞錢」,會係$2.78/里。

零售簽賬
平時零售簽賬就可以揀東亞Flyer World Mastercard卡、DBS Black World Mastercard渣打亞洲萬里通萬事達卡

東亞Flyer World Mastercard卡一般簽賬係$5/里,不過唔包括八達通自動增值同網上繳費。

DBS Black World Mastercard本地簽賬會有2倍DBS$,會係$6/里,渣打亞洲萬里通萬事達卡本地簽賬同樣係$6/里。
 

網上簽賬
網上簽賬嘅話,中銀i-card、建行(亞洲)eye信用卡同滙豐信用卡都有額外積分或「獎賞錢」。

中銀i-card網上簽賬會有10倍積分,低至$1.5/里。不過要留意每月上限係額外10,000分,即係簽$1111.11就到上限。

建行(亞洲)eye信用卡網上簽賬會有5倍積分,會係$3/里,但每年上限係額外300,000分,大概簽$75,000就到上限。不過要留意,每年上限係計埋拍卡畀錢嘅簽賬。

滙豐信用卡今年繼續有「最紅網上簽賬獎賞」,每階段網上簽賬累積簽滿$3,000後會有額外5倍「獎賞錢」,可以做到$4.17/里。
如果登記咗「最紅自主獎賞」嘅「賞中華」或「賞世界」,網上外幣簽賬會有11倍「獎賞錢」,即係$2.28/里。
滙豐Visa Signature卡會更加著數,加埋本身額外3倍「獎賞錢」會有14倍「獎賞錢」,係$1.79/里。
不過「最紅網上簽賬獎賞」每階段最多有額外300「獎賞錢」,簽$15,000就到上限。
 

海外簽賬
海外簽賬可以揀滙豐信用卡DBS Black World Mastercard同渣打亞洲萬里通萬事達卡

登記滙豐嘅「最紅網上簽賬獎賞」後,每階段海外簽賬累積滿$3,000會有額外5倍「獎賞錢」,即係$4.17/里。
配合埋「最紅自主獎賞」嘅「賞中華」或「賞世界」,海外簽賬會有11倍「獎賞錢」,會係$2.28/里。
滙豐VS卡有額外3倍「獎賞錢」,總共係14倍「獎賞錢」,低至$1.79/里。

DBS Black World Mastercard海外簽賬會有3倍DBS$,同渣打亞洲萬里通萬事達卡一樣,都係$4/里。

 

感應式支付
中銀i-card卡同建行(亞洲)eye信用卡拍卡畀錢都會有額外積分,

中銀i-card卡會有10倍積分,即係$1.5/里,但每月最多有額外10,000分,即係簽$1,111.11就到上限。

建行(亞洲)eye信用卡有5倍積分,係$3/里,但每年上限係額外300,000分,簽$75,000就到上限。不過要留意,每年上限係計埋網上零售簽賬。
 

手機付款
用中銀i-card透過Apple Pay、Android Pay、Samsung Pay同WeChat Pay畀錢都會有10倍積分,可以做到$1.5/里。每月最多有額外10,000分,簽$1,111.11就到上限,但上限係連埋拍卡畀錢嘅簽賬一齊計。

八達通自動增值
八達通自動增值可以揀DBS Mastercard World Mastercard渣打亞洲萬里通萬事達卡Citi Prestige,3張卡都係$6/里。

網上繳費
網上繳費可以揀東亞Flyer World Mastercard卡、滙豐信用卡同建行(亞洲)信用卡,

東亞Flyer World Mastercard網上繳費可以做到$8/里,但唔包括銀行及信用卡服務、信貸財務、證券、稅務、教育同保險費用。

滙豐卓越理財信用卡滙豐運籌理財白金Visa卡滙豐Visa Signature卡滙豐白金Visa卡滙豐銀聯雙幣鑽石卡網上繳費會有「獎賞錢」,不過係以每$250等於$1「獎賞錢」去計,而且只有每月首$10,000會有「獎賞錢」。

建行(亞洲)信用卡網上繳費會係$1有1分,但每年上限係信用卡信用額嘅12倍。
 

簽賬類別 信用卡 里數比率
飲食簽賬 滙豐
Visa Signature卡
$2.78/里
超市簽賬 Citi Rewards $1.875/里
零售簽賬 東亞
Flyer World Mastercard卡
$5/里
網上簽賬 中銀i-card $1.5/里
海外簽賬 滙豐
Visa Signature卡
$1.79/里
感應式支付 中銀i-card $1.5/里
手機付款 中銀i-card $1.5/里
八達通
自動增值
渣打
亞洲萬里通萬事達卡
$6/里
網上繳費 東亞
Flyer World Mastercard卡
$8/里

我比較推介中銀i-card、東亞Flyer World Mastercard卡同滙豐Visa Signature卡,唔同簽賬類別都比其他卡著數。
中銀i-card可以用嚟畀比較細額嘅簽賬,特別係網上簽賬同感應式支付,
滙豐Visa Signature卡揀咗「最紅自主獎賞」後,喺指定類別消費會更加抵,例如揀咗「賞滋味」飲食類別,其他類別例如超市就可以搵Citi Rewards卡補上,
東亞Flyer World Mastercard卡比較萬能,除咗繳費同八達通自動增值之外,簽賬都係$5/里。

里數計算機
唔想自己慢慢計每個月用咁多錢儲到幾多里數?依家HongKongCard推出咗里數計算機,只要輸入簽賬額就會顯示所賺里數,可以知道自己喺某一種簽賬儲到幾多里數。
里數計算機可以計到「亞洲萬里通」、Avios、鳳凰知音同KrisFlyer嘅里數,部分信用卡有額外積分上限,例如滙豐「最紅自主獎賞」額外「獎賞錢」會有上限,里數計算機都可以就住上限計出答案㗎。
教學:https://www.hongkongcard.com/blogs/2215

不過溫馨提示,
1.部分信用卡要兌換里數,唔會自動存入賬戶
2.滙豐優惠需要登記
3.如有爭議,一切以銀行最終決定為準