上次講完買旅遊保險要注意嘅地方，今次就講下有咩信用卡旅遊保險優惠。重點會集中喺個人嘅單次旅遊保險，我搵咗4間銀行/財務機構，5間保險公司嘅單次旅遊保險計劃，睇下基本保障內容同優惠比較。
中銀
承保商：中銀集團保險
優惠期至：12月31日
優惠：
憑中銀信用卡於網上投保旅遊“易”綜合保可享8折保費優惠及額外積分獎賞。
信用卡 / 額外積分 (保費$200或以上 / $200以下)
Visa Infinite卡、
銀聯雙幣鑽石卡、
World萬事達卡、
Visa Signature卡 / 8X / 2X
白金卡 / 5X / 2X
鈦金卡、金卡、普通卡 / 3X / 2X
恒生
承保商：昆士蘭保險
優惠期至：5月31日
優惠：
成功投保「旅遊綜合保障計劃」單次旅程保障可獲75折，於過去24個月內曾成功投保單次旅程保障，或以手機登入恒生個人e-Banking投保可獲7折。
每張保單淨保費每滿$250，可獲額外獎賞，回贈上限$200 Cash Dollars (包括基本獎賞) / $200現金回贈。
繳付保費方法 / 優惠
恒生Visa Infinite卡、
恒生優越理財World MasterCard / 30X Cash Dollars
其他恒生信用卡 / 20X Cash Dollars
恒生銀行戶口 / $20現金回贈
Citibank
承保商：AXA、蘇黎世保險
優惠期至：6月30日
優惠：
購買單次旅遊保險可獲7折。
安信
承保商：MSIG
優惠期至：5月31日
優惠：
購買單次旅遊保險可獲6折及$20 KFC現金券。
抽返一啲重點出嚟分析下：
保障額較高－恒生 X 昆士蘭保險
好明顯，因為恒生 X 昆士蘭保險價錢貴啲，保障額自然多啲。Citibank X AXA 或蘇黎世保險除咗標準計劃，仲有尊貴計劃。蘇黎世保險嘅尊貴計劃會包埋要額外加錢嘅手機、體育運動、自駕遊同郵輪假期保障，不過自駕遊同郵輪假期保障基本上唔需要同一時間買，但如果係坐郵輪，就可以買尊貴計劃，因為價錢同標準附加郵輪假期保障價錢一樣。
行程延誤－Citibank X 蘇黎世保險
出門旅行，航班延誤係比較常遇到嘅問題。Citibank X 蘇黎世保險每6個鐘就可以賠$300，係呢幾個保險入面比較好嘅一個。
行李保障－恒生 X 昆士蘭保險、Citibank X AXA
間中就會聽到有人被機場貨運人員掟爛喼，特别係某個牌子嘅金屬喼，如果帶個靚喼去旅行，恒生 X 昆士蘭保險同Citibank X AXA比較賠得多，整喼甚至買過一個都冇咁肉痛。
手機保障－恒生 X 昆士蘭保險
恒生 X 昆士蘭保險手機賠償額有$3,000，都係嗰句，保費貴啲就賠得多啲。Citibank X AXA 或蘇黎世都係賠$2,000，但蘇黎世要加$14先有得保。
恐怖襲擊保障－恒生 X 昆士蘭保險、Citibank X AXA、Citibank X 蘇黎世保險
表入面列出嘅係保單指明會包嘅項目，恒生 X 昆士蘭保險份保單入面有恐怖主義伸延保，寫住「此保單保障恐怖主義活動」，唔同範疇因恐襲而有損失都應該受保。Citibank X 蘇黎世保險就寫明包醫療同行程方面嘅保障。
通常旅遊保險都唔保生物、化學、核子恐襲，今次有三間列明唔包，Citibank X 蘇黎世保險冇寫，Citibank X AXA寫明包埋。
外遊警示保障－Citibank X AXA、Citibank X 蘇黎世保險
黃色外遊警示基本上對保單冇影響，有部分保險開始對紅色外遊警示受保，例如Citibank X AXA同Citibank X 蘇黎世保險，指定項目會賠50%。
保費最平－中銀 X 中銀集團保險、安信 X MSIG
以5日計，計埋信用卡折扣之後，呢兩間嘅保費都係八十幾蚊，當中以中銀 X 中銀集團保險嘅基本保障較齊全，例如包埋旅行期間被賊入屋爆格嘅家居財物損失，同埋自駕遊租車自負額。不過比較可惜嘅係，兩者都唔包手機保障。
額外獎賞
除咗保費有折，個別優惠仲有額外獎賞。就以上面投保5日計，最著數應該係安信 X MSIG。
中銀 X 中銀集團保險
優惠：$200以下2X積分
獎賞價值：$0.68 (170分)
獎賞比率：0.79%
如果保費$200或以上，可以賺更多額外積分，不過單人投保就要買25日 (原價$253，折後$202.4 )，或者二人投保9日 (原價$260，折後$208 )。
以單人價計：
Visa Infinite卡、銀聯雙幣鑽石卡、World萬事達卡、Visa Signature卡
優惠：8X積分
獎賞價值：$6.464 (1,616分)
獎賞比率：3.19%
白金卡
優惠：5X積分
獎賞價值：$4.04 (1,010分)
獎賞比率：2%
鈦金卡、金卡、普通卡
優惠：3X積分
獎賞價值：$2.424 (606分)
獎賞比率：1.2%
安信 X MSIG
優惠：$20 KFC現金券
獎賞價值：$20
獎賞比率：22.83%
恒生 X 昆士蘭保險會有最少20X Cash Dollars，不過保費要過$250先有。一個人買10日或以上單次保險，原價$368，折後$276先夠數。
恒生Visa Infinite卡、恒生優越理財World MasterCard
優惠：30X Cash Dollars
獎賞價值：$30 Cash Dollars
獎賞比率：10.87%
其他恒生信用卡
優惠：20X Cash Dollars
獎賞價值：$20 Cash Dollars / $25 Cash Dollars (恒生enJoy卡)
獎賞比率：7.25% / 9.06%
相關文章
玩得安心 旅遊保險選購9個須知