韓國藥妝網購 必定入手之選
韓國藥妝網購 必定入手之選
相關信用卡:

韓國藥妝網購 必定入手之選

發表日期: 2016 年 09 月 08 日 更新日期: 2016 年 09 月 08 日 購物
作者:Yvone 二方

上次睇完日本Cosme 2016上半年新產品嘅大賞,今次當然要睇埋韓國藥妝!近年無論流行文化、衣著及打扮都大吹韓風,眼見都有越來越多嘅韓國護膚化妝品牌進駐香港。不過始終呢度唔係韓國,好多時啲新產品都要等一排先來到香港,又或者有啲產品要代購先買得到。剛剛我就發現原來上Gmarket都有好多唔同嘅韓國藥妝,仲有唔少平過香港一大截!而且有啲仲係香港未推出㗎㖭!

首先講咗人見人愛嘅卡通系列先!韓國Holika holika同Gudetama蛋黃哥推出咗一個crossover系列,有BB cushion、胭脂、洗面、指甲貼紙以及面膜等等。除咗個樣好得意之外,價錢亦都好親民!BB cushion大約都係港幣$147,option3嘅面膜總共7塊都係大約$100。

 

 


▲卡通面膜7塊呢個組合$99.43。


另一個要登場嘅卡通人物就係鬆弛熊喇!鬆弛熊同A’PIEU就crossover出咗一系列嘅彩妝用品,除咗個外觀係鬆弛熊,入面個粉撲都有鬆弛熊印花,鍾意鬆弛熊嘅朋友有冇好想入手嘅衝動?好消息係佢都唔貴啊!好似個胭脂cushion 都係$41,BB cushion 就$93,眼影就$78。

 

 

 


▲胭脂cushion大約$41.34。


▲BB cushion大約$92.66。


▲眼影大約$78.41。

我知道你一定見過佢,佢咪就係之前老是常出現,被喻為毛孔吸塵機嘅黑頭撕拉膜。相信大家都睇過片見過佢好強勁咁拉晒啲黑頭出來,早排香港嘅代購仲賣到冇晒現貨㗎。依家大家唔使再左撲右撲喇,原來Gmarket就有得賣喇!之前見香港有得買都要$120,喺Gmarket見佢$96左右就有交易喇!

不得不提嘅仲有Holika Holika嘅豬鼻貼,呢款豬鼻貼分開3個step,第一個step係軟化黑頭,第二個step就係好似平時啲撕拉式鼻貼咁,痴晒啲黑頭出來,而最後一個step就係舒緩番毛孔。唔少人都話佢好用,我都用過,覺得係幾方便嘅一塊塊,係就係貴咗啲囉,要成$25一塊!喺Gmarket度買,$89有10塊,大家可以大量入貨安心用喇!

 


▲平均唔使$9一塊,平過喺香港買好多!


咬唇妝熱潮仲未減退,如果唔想次次都要搵綿花棒慢慢搞,想快快出到門口,雙色唇膏可能幫到你。只要用啱方向,一抹上嘴就可以有2層嘅漸變色,超級方便。依家上Gmarket度買,都係$125到,平過喺香港買一大截!

 

 


▲有啲顏色會貴啲,不過都係$130-$140。

另一個韓國化妝產品,一定要提提Etude House嘅Play 101 stick。佢支修容筆喺Gmarket只係賣緊60幾元!喺香港就算去啲舖頭仔買水貨都要90幾100元,咁樣喺度買真係平咗唔少!

 


▲香港真係落舖買要成$120,樓上舖都差唔多要$100,$64真係好平。

再落嚟要介紹嘅係Innisfree嘅面膜,上innisfree網店都要$9.5一塊,依家Gmarket 10塊都係$62.73,除番開每塊都係$6多啲。

 


▲一款跟5塊,10塊就可以買到2款。

喺gmarket度見到唔少產品都賣得幾平,係麻煩在你揀貨品時係韓文,唔識韓文嘅朋友唯有認住嗰串字,之後喺個menu度揀番。大家揀貨品嘅時候,都要留意嗰件貨品可唔可以寄嚟香港啊!Gmarket自己有集運服務,所以唔使怕呢間舖買少少嗰間舖買少少會好散。


▲記住要睇清楚件貨寄唔寄來香港,可以喺International Shipping度睇番Eligible Countries有冇香港。


由即日至2016年9月30日,憑中銀信用卡於Gmarket、LuisaViaRoma或透過PayPal賬戶於任何網上商戶(下稱「指定網上商戶」)簽賬*,即可享20倍簽賬積分^!於其他網上商戶簽賬*,亦可享12倍簽賬積分^!
* 須作單一網上簽賬每滿HK$500或以上,方可獲享相關簽賬積分獎賞。
^ 如客戶憑i-card於指定網上商戶及其他非指定網上商戶簽賬,只可分別額外獲得10倍及2倍簽賬積分。每位客戶(以身份證號碼計)於整個推廣期內最多可共獲額外50,000簽賬積分。
信用卡優惠詳情可以去〈呢度〉睇。