錯過書展唔緊要 買書額外再賺分
錯過書展唔緊要 買書額外再賺分
相關信用卡:

錯過書展唔緊要 買書額外再賺分

發表日期: 2014 年 07 月 29 日 更新日期: 2014 年 07 月 29 日 購物
作者:Lady C.

今年書展啱啱完咗,唔知大家有冇去掃貨?Lady C.因為忙緊個大Project,唔得閒亦冇閒情去。老實講,Lady C.都唔係年年去書展,聽聞今年又係o靚模橫行,作為女性,寫真集根本就唔係我杯茶,反而對一啲網絡作家同插畫師嘅小說同畫集就有啲興趣,可惜最後都係冇去行下。

Lady C.唔多去書展其中一個原因就係怕逼。

講開又講,雖然而家電子書好流行,今年書展都好似話有電子書專區,不過書展仍然係賣實體書為主,Lady C.覺得電子書的確係方便,唔使一本本書帶出去,不過喺非E Ink嘅平板電腦上面睇唔得耐,否則對眼會好容易攰,而且只適合睇小說、漫畫之類,如果係參考書或工具書,都係實體書比較實在,起碼實體書唔會冇電,隨時都有得睇先啦。

得閒去書店打下書釘,睇啱有興趣就買。

Lady C.要睇書或者需要工具書時,都係想要就買,唔會突登等到書展。好在AEON而家起到9月20號做買書優惠 (詳情),喺全港書店單一簽賬滿$500,就可以賺5倍獎賞積分,最多可以額外賺10,000分,雖然唔係直接減價,但係對於鍾意睇書嘅我嚟講,都算係一種補貼啦。

另外,單一簽賬過$500,就可以做6個月免息分期,呢個優惠就啱晒仔女新學年要買新書嘅父母,或者需要買工具書嘅我,買完書5日內打上Hotline搞手續就OK,不過每單分期會收$50手續費。