邊張信用卡換鳳凰知音里數最抵?
邊張信用卡換鳳凰知音里數最抵?
相關信用卡:

邊張信用卡換鳳凰知音里數最抵?

發表日期: 2016 年 09 月 08 日 更新日期: 2016 年 09 月 08 日 旅遊
作者:Salad Ho 沙律

見有Ching想知有咩卡可以換到鳳凰知音里數,小妹做咗少少research,比較咗幾張可以換到鳳凰知音里數嘅信用卡,個人覺得DBS Black Card係大熱!

DBS Black Card大勝,本地消費$4=1里,差唔多抵過其他對手一半;而海外消費$2.67=1里,好抵呀!變相鼓勵大家喺海外碌多啲。收入要求方面除返開每個月約$20,000。如果收入冇咁高,可以考慮信銀,一來本地消費$6=1里,抵過其他$8=1里嘅卡,而且迎新都算最吸引,發卡後首3個月內憑新卡簽賬或現金透支淨額滿港幣或人民幣3,000元可以換到4000鳳凰知音里數,網上申請仲有:1000鳳凰知音里數額外獎賞!


兌換手續費比較

兌換手續費方面,中銀GOOD DAY VISA白金卡同交通銀行Go-Goal Visa金卡算係最貴,每次要$100手續費。


迎新比較

以賺里數嚟論,信銀國際中國國航雙幣信用卡係最抵㗎,首3個月簽滿$40,00就有4000鳳凰知音里數!網上申請仲有1000鳳凰知音里數送,做齊全套有5000鳳凰知音里數賺~而DBS Black Card 都不錯,網上申請有DBS$25送,新客於簽賬期內累積本地零售/海外簽賬至HK$4,000,可賺取之基本獎賞及額外獎賞分別為DBS$80及DBS$240,合共係DBS$320。

特色比較

個人覺得DBS Black Card 幾吸引,因為合作餐廳夠多~唔係成日去旅行都可以享受下食肆折扣。如果你需要成日返內地工作,可以考慮信銀國際中國國航雙幣信用卡,因為佢喺內地有同8900家商戶合作。另外,如果鍾意去日本嘅朋友有福喇!因為揸住信銀張卡,去0101、Tokyo Hands、阪急、BIC CAMERA、成田JAL DUTY FREE等商戶都有discount。

總括而言,我覺得DBS Black Card係最吸引,個兌換率最抵!而且迎新回贈都算不錯~缺點係入息一年要有$240,000,ban咗一啲freshgrad等職場新人。
而信銀國際中國國航雙幣信用卡就係第2選擇,兌換率第2抵,首3個月簽滿$40,00就有4000鳳凰知音里數!網上申請有1000鳳凰知音里數送,做齊全套有5000鳳凰知音里數賺喇!