邊個話香港買運動鞋一定貴？港、美、英網購比較

最近嘅里約奧運，唔知大家有無睇到心大心細自己都想郁埋一份呢？喺做運動之前當然要有一對波鞋啦，最近Nike出咗幾個新款，仲有我最愛嘅Flykin系列添！但作為一個精明嘅消費者當然要格一格價啦！所以今次我會揀咗三個鞋款，同大家睇下香港、英國、美國嘅價錢，睇下邊到會係最抵最平啦！


介紹一下我揀咗邊幾間網站購網先：
香港 - Nike香港官網
美國 - Eastbay
英國 - Size?

第一款
NIKE LUNAREPIC LOW FLYKNIT 

▲Nike香港官網價錢喺HKD$1,299，男裝有6隻色、女裝都喺有6隻色，買滿HKD$599免運費所以一般買鞋都可以免費㗎！


▲美國網站Eastbay價錢係USD$159.99 (約HKD$1,240)，男裝有4隻色、女裝有3隻色，Eastbay所有嘅顏色香港Nike官網都有得買！


▲英國網站Size?價錢係£130(約HKD$1,324)，Size?係三個之中最少顏色選擇嘅！


 

▲港、美、英三大比較，鞋嘅價錢喺美國最抵、但因為美國網要另外比運費、所以計晒所以嘢香港買LUNAREPIC LOW FLYKNIT 喺最抵嘅，到貨日子又快又多顏色選擇，香港Nike官網遠遠勝出！

第二款
NIKE LUNAREPIC FLYKNIT

▲Nike香港官網價錢喺HKD$1,399，男裝有6隻色、女裝仲多啲選擇有9隻色


▲美國網站Eastbay價錢係USD$149.99 up (約HKD$1,163up)，男裝同女裝都喺得2隻顏色，但Eastbay嘅顏色同香港有少少分別㗎！鍾意就要入貨啦，香港分分鐘搵唔到㗎！


▲英國網站Size?價錢喺 £75 up(約HKD$764 up)，依個款Size?網站得女裝可以買到，一共有3隻顏色。依3隻顏色香港Nike官網都有買，但Size?平好多喎！


 

▲港、美、英三大比較，英國Size?網做緊減價優惠雖然運費要另外比，但計埋運費都抵過香港HKD$482㗎！如果男士的話Eastbay計埋運費都會平香港大約HKD$176，但香港嘅好處就喺比較多顏色啦！

第三款
NIKE HYPERDUNK 2016 FK

▲Nike香港官網價錢喺HKD$1,599，一共有3隻顏色，一樣喺可以免到運費㗎！


▲美國網站Eastbay價錢係USD$199.99 (約HKD$1,550)，一共有4隻顏色，比香港多一隻黑藍色！


 

▲依個鞋款Size?網站無得買到，港、美呢兩個比較，價錢係香港勝出！但美國都只係貴港幣大約HKD$11，所以唔係差得太遠，不過香港運嘅時間只需3日，而美國要大約等15工作天架！如果你鍾意黑藍色值入喺Eastbay入手，因為香港無呢隻顏色呀嘛！

網購小貼士:
一般美國網購定期都會有好多折扣Coupons，睇落去買野會再抵好多！但喺一般喺新款、限定款、搶購款都用唔依啲Coupons，就例如今次我哋揀依三款都用唔到Coupons㗎！不過其實或減價貨品一樣用得到！

一般外國網購無折扣嘅時候，價錢會同香港價格差唔多，所以網購唔一定會係平啲抵啲㗎！
但外國網站時不時都會做一啲減價或折扣優惠，咁樣的話就會比香港抵啲同埋外國仲會多喺款式添，不過顏色方面就唔夠香港嚟㗎啦，哈哈！

另外用DBS Eminent Card網購，有6%回贈，例如見到英網買NIKE LUNAREPIC FLYKNIT女裝咁抵，買一對粉紅色US7 HKD$917，大約就可以回贈$55港幣啦，不過要累積簽賬夠$5,000先至有回贈㗎。