運費低兼退稅 網購LC煲勁慳三千元

英鎊又跌啦！已經跌破10算啦！係時候去英國網網購啦！最近比我發現咗Harrods嘅英國網站買嘢超級抵，加上佢有啲貨品做緊Sale有折上折優惠㗎。我見到Harrods有Le Creuset都做緊折扣優惠，今次就同大家比較下英國網站網購同香港Le Creuset嘅價錢啦！

Harrods嘅英國網站都幾方便，好多人海外網購都需要搵代購或者集運，而Harrods就唔需要擔心依個問題啦，因為佢可以直接運嚟香港同澳門，運返嚟香港同澳門嘅費用係£25英鎊(約$250)，買幾多嘢都係依個運費，除咗運費抵之外仲可以自動20%退稅㗎！

▲ Harrods折咗£125英鎊，如果先唔計運費，退咗20%稅係£104.17英鎊(約$1,038港幣)
當我只買一樣嘢加£25英鎊運費(約$250港幣)，都足足平過香港$2,770呀 !!!

▲ Le Creuset Volcanic 28cm Round Casserole Dish 香港要買成 $5,038，唔知大家捨唔捨得買呢?

▲而Harrods折咗係£175英鎊，當我只買一樣嘢加£25英鎊運費(約$250)，退咗20%稅總價錢係£170.83英鎊(約$1,701)足足平香港$3,328呀 !!!

佢地款式太多所以我抽咗幾款整咗個小表格方便大家做對比，雖然Harrods折扣款無官網咁齊，但最熱門嘅都有晒㗎！

▲以上未運費，如果加埋運費就係英國網站嘅價錢加約$250，平得最少嘅Rectangular Grill價錢都足足平過香港$1,100，而平得最多嘅係Round French Oven 28CM足足平過香港$3,328呀 !!! 如果一直都好鍾意佢哋嘅產品的話，真係幾值得入手㗎！

▲如果唔太明佢嘅計算方法，可以睇下依張圖㗎，最緊要睇清楚發貨嘅地方同價錢，而退稅方面你擇選咗香港的話佢哋網站就會自動更新退稅項目㗎啦，超級方便！

最後提提大家Harrods可以用港幣比錢嘅，但匯率會比用英鎊貴，所以如果購買時選擇返英鎊比錢會抵好多㗎！以下有圖可以參考

▲同一樣價值但用港幣付款會貴HK$68.8，所以精明嘅你地記得比錢時擇返英鎊呀！

另外用DBS Eminent Card網購，有6%回贈，例如買一個Round French Oven 28CM，退稅後連運費就大約有$102回贈啦！不過要累積簽賬夠$5,000先至有回贈㗎。