遊日車錢慳多啲 點買JR Pass先至抵？

去日本玩，好多時都唔會剩係留喺一個城市，會搭鐵路去埋附近嘅景點。買鐵路周遊券 (JR Pass) 可以無限次撘新幹線、特快、快速、普通列車，甚至包埋巴士，價錢比逐程買飛慳好多。除咗去到日本先買，都有其他方法買，隨時仲平啲。

 

購買途徑
官方網站：有啲鐵路公司官網提供預約功能，可以上網預約咗先，去到再出JR Pass
旅遊網站：KKDay、Klook之類
旅行社：日本鐵路公司會同海外旅行社合作，可以先買換票證，去到日本再換JR Pass
航空公司：HK Express飛日本嘅航班機上可以買到JR Pass，不過就只有九州同四國周遊券

 

日本換正式周遊券
通常喺香港買到嘅JR Pass，其實唔係正式周遊券而係換票證，去到日本要去返指定地點，憑換票證同護照換JR Pass。換票地點通常係主要大火車站嘅票務中心，買JR Pass時可以睇返網站相關資料。

 

自取換票證
喺KKDay、Klook買JR Pass，通常都要親自去辦公室或機場指定攤位拎換票證，所以最好預早幾日買同去拎。不過亦有啲會經電郵發送換票證，只要印返出嚟，或直接喺手機開返封電郵畀日本換票職員睇就可以。

 

留意出票日期
買JR Pass時要揀日期，呢個日期係代表旅遊日期，或者兌換JR Pass日期，而換票證有效期通常為出票後3個月，所以揀日子最好係你想換JR Pass同開始用嗰日。

 

價錢比較
我搵咗5個JR Pass做例子，分別係：

北九州鐵路周遊券 (5日)
關西地區鐵路周遊券 (3日)
四國鐵路周遊券 (4日)
北海道鐵路周遊券 (5日)
JR東日本鐵路周遊券 (長野、新潟地區) (5日)

以下列出咗呢5個JR Pass喺唔同地方買嘅價錢，大家可以比較下，紅色字係較平嘅價錢：

 

搵咗一輪價之後，其實冇一間做到全部JR Pass都係最平，所以都係嗰句：格價啦。

 

如果近期會去旅行，喺5月31號或之前用Klook App入優惠碼「KLKHKJRPASS」買JR Pass，滿$200即減$100。如果計埋呢個優惠，大部分JR Pass會平過用其他方法買。

 

喺KKDay買某啲JR Pass可以賺埋Asia Miles里數，每40新台幣賺1里數，以關西地區3日周遊券為例，1,403新台幣就賺到35里數。佢個港元參考價係$362，即係大約$10.34=1里數。

 

信用卡賺回贈
睇完去邊度買JR Pass平，就可以就返購買途徑，揀用邊張信用卡買。

安信WeWa信用卡
旅行社、航空公司4%現金回贈 ($250回贈$10)
假設去縱橫遊買東日本5日JR Pass (長野、新潟地區)，$1,106回贈$44.24。

建行(亞洲)eye卡
網購5X積分，「賞即飛天地」旅遊類、外幣簽賬額外2X積分，合共7倍積分
用返上面KKDay買關西地區3日周遊券做例子，1,403新台幣兌港元參考價$362，7X積分係2,534分，大約等於$10.13回贈。
如果換成Asia Miles里數，就有168里數，加埋KKDay賺到35里數，一共203里數 ($1.78=1里數)，以上係未計實際簽卡時嘅匯率同外幣交易手續。

信銀國際motion卡
當月累積簽賬滿$3,000或以上，網上簽賬可獲5%回贈
假設去Klook買北海道5日JR Pass，計埋買$200減$100優惠，$1,402回贈$70.1 (假設累積簽滿$3,000)。

 

限時優惠：
【經HongKongCard成功申請DBS Eminent Card享高達$1000現金獎賞及$200額外獎賞】
【經HongKongCard申請美國運通I.T Cashback卡，可額外獲贈$200禮券】
【經HongKongCard申請WeWa卡，額外享$200現金回贈】