連鎖餅家 x 信用卡 賀年食品優惠大結集
連鎖餅家 x 信用卡 賀年食品優惠大結集
相關信用卡:

連鎖餅家 x 信用卡 賀年食品優惠大結集

發表日期: 2017 年 01 月 05 日 更新日期: 2017 年 01 月 05 日 購物
作者:甦師父

唱完「we wish you a Merry Christmas」之後,到1月尾要唱財神到了。為了搶佔賀年食品巿場,各大連鎖餅家都會同銀行合作,推出信用卡優惠,令客人可以憑優惠折扣購買賀年食品,用嚟送禮或自用。大家都知,餅家同優惠眾多,目不暇給,所以我哋就精選咗幾家主要連鎖餅家嘅信用卡優惠,畀大家選購前參考吓。

 

大班 x 恒生

 

由即日起去到年三十(1月27日),恒生信用卡喺大班主打兩個賀年食品優惠。

第一個就係用恒生卡以原價購買指定賀年禮盒,即係緻尊曲奇、行運炮仗、吉祥彩蝶酥、黃金孖寶桶或一桶金,就可以用$1cash dollar購買600克輕型賀年糕品1盒(原價$85)(有4種口味:臘味蘿蔔糕、香菇芋頭糕、黑白芝麻年糕同紅豆抹茶年糕),全部包裝精美,設計充滿新年氣氛,用嚟送禮自用都咁好睇。

至於第二個優惠,就係用低至6折嘅優惠購買指定賀年禮品同賀年糕品。

不過要注意嘅係,呢兩個優惠係牴觸架,同一張單簽賬做唔到兩個優惠,即係例如你一係用原價$150買緻尊曲奇,享用第一個優惠,使用$1cash dollar購買600克輕型賀年糕品1盒;一係就用優惠二,用優惠價$99購買盒緻尊曲奇,但就冇得用$1cash dollar買年糕,同一張單簽賬做唔到兩個優惠。

有一點要注意嘅係,優惠二所講嘅係「低至6折」,唔係用恒生卡買所有賀年嘢食都有6折,當中只有富貴黃金桶做足6折(原價$365,折後價錢為$218),其他嘢都做唔足,大家購買前要小心。

喺大班用恒生卡買嘢嘅優惠唔止呢兩樣,逢星期六日單一簽賬淨值每滿$600,就額外賺$20 cash dollars,呢個優惠做到2月14情人節。

惠詳情按此

 

▼大班 x 恒生卡嘅優惠一

 

▼小心,唔係每款賀年食品都係6折

 

奇華 x 渣打

 

至於奇華,大家用渣打/MANHATTAN信用卡就啱喇,事關同樣去到年三十(1月27日),用呢張卡買佢哋嘅賀年糕點,即享8折優惠。

奇華另一個優惠,就係截至年底,購買指定產品滿$500或以上,就可獲得贈茉莉花香片或烏龍茶一罐。不過要注意嘅係,以上兩個優惠都係有牴觸,用咗8折買年糕,就唔可以享有買滿$500獲贈茶葉,反之亦然。

優惠詳情按此

 

▼部分奇華 x 渣打卡嘅賀年糕點優惠

 

美心、翠園、東海堂 x 匯豐

 

咁多連鎖餅家都有同銀行做優惠,促銷賀年食品,又點少得美心集團同匯豐卡呢?不過佢哋做嘅優惠期限就早啲啲截止,只係做到年廿五(1月22日)。喺呢段時間內客戶憑匯豐卡購買美心集團旗下美心、翠園同東海堂嘅賀年食品,即享7折優惠,期間星期五、六同日仲額外多95折添!

當中美心嘅臘味禮盒都有優惠添,由原價($178)7折減至$124.6,啱晒用嚟拜年送禮,唔使吓吓送曲奇同朱古力咁冇新意。

優惠詳情按此

 

▼部分美心 x 匯豐卡嘅賀年糕點優惠

 

榮華 x 中銀

 

榮華本身做緊個年糕券優惠,6款年糕券已經做緊75折,而專為中銀信用卡客戶而設嘅優惠就有5個。其中用該卡喺1月12日或之前可以用$69購買3款年糕券(金玉滿堂蘿蔔糕劵﹝850克﹞、如意椰汁年糕劵﹝850克﹞同鴻運蔗汁年糕劵﹝850克﹞,標準分別係$115、$99同$99),優惠低至6折!

優惠二則是以$148,購買原價總值$209嘅加瘦招牌臘腸半斤(現貨)及臘味香菇蘿蔔糕券;優惠三係臘味年貨標準價8折;優惠四係,以17,250簽賬積分換領金玉滿堂蘿蔔糕或如意椰汁年糕或鴻運蔗汁年糕;優惠五則是購買任何臘味年貨滿$400,即可免費獲贈單個裝金磚酥2包(價值$24)。優惠二至五嘅優惠期長啲,去到1月25日。

優惠詳情按此

 

聖安娜 x 萬事達卡

 

聖安娜嘅信用卡優惠覆蓋範圍就闊啲,只要用萬事達卡購買店內任何賀年貨品,喺1月15日或之前即享69折起,打後去到年三十(1月27日)則75折起。聖安娜職員話,買之前最好先致電到分店查詢,因為可能缺貨咁話。

優惠詳情按此