賺盡獎賞 嚴選2017必備信用卡

踏入2017年，首先祝大家新年快樂。正所謂「萬丈高樓從地起」，新一年想要儲多啲里數、賺多啲回贈，第一步梗係要揀啱信用卡，先儲得多賺得快。趁住一年之始，就同大家分析下有咩卡好用，有佢哋傍身，唔同類型簽賬都可以賺到唔錯嘅獎賞。而係2016年都有唔少新信用卡推出，當中都有啲可以成為必備信用卡一分子。

飲食簽賬
今年滙豐繼續有「最紅自主獎賞」，六大消費類別最多額外5X「獎賞錢」，Visa Signature卡再多3X「獎賞錢」，相信大家都好熟悉。
不過上年渣打同Asia Miles合作出聯營卡，好多人注意，除咗因為鄭秀文，仲因為佢食肆、網上、海外簽賬$4=1里數，食飯儲里數仲抵過匯豐6X「獎賞錢」，而且里數直接入落Asia Miles戶口，唔使手續費。
至於另一張新卡東亞Visa Signature卡，食飯都有6X積分，但可惜冇得換里數，只能換現金券。

 

購物簽賬
唔同信用卡會因應唔同類別舖頭簽賬，而有特別獎賞。各位可以因應返最常簽賬類別，揀返啱用嘅卡。好似匯豐信用卡除咗食飯，仲有「賞家居」(超市、個人護理產品店、電器連鎖店)、「賞品味」(百貨公司、旅行社、服飾類零售商戶、書店)、「賞玩樂」(電訊商、卡拉OK、戲院、主題熱點、娛樂消閒商戶)，如果有渣打亞洲萬里通萬事達卡做食飯卡，或者少出街食飯，咁倍數就可以分配落其他類別度。
Citibank Rewards Card同中銀i-card喺指定類別商戶都有額外積分倍數，可以一用。

Citi Rewards Card
超市、百貨公司、電訊商5X積分，每月額外積分上限50,000分；生日月份額外3X積分，額外積分上限15,000分。

中銀i-card
電器店、超市、電訊商、便利店、戲院10X積分，每月額外積分上限10,000分。

非接觸式交易
有唔少舖頭都接受Visa payWave同MasterCard Contactless非接觸式付款，以下呢啲非接觸式交易有額外獎賞嘅卡，亦可以作為購物必備信用卡。要留意信銀國際motion卡新嘅條款冇提及非接觸式交易有5%獎賞，新客戶未必有額外回贈，打去問CS (4/1)，佢都話下個星期先有資料，暫時答唔到我。
另外，Android Pay同Apple Pay上年正式喺香港推出，匯豐、東亞比較多相關優惠。

中銀i-card
10X積分，每月額外積分上限10,000分 (與指定商戶類別簽賬共用上限)。

建行(亞洲)eye卡
5X積分，全年額外積分上限300,000分。

信銀國際motion卡
基本回贈0.55%，MasterCard Contactless 5%回贈，每月額外回贈上限$100。(現有客戶)

 

網上簽賬
現代人網購隨時多過出街買嘢，有唔少卡網購都有額外獎賞，DBS Eminent Card 6%額外回贈繼續最多，但只延期到2月28號，唔知佢會短時間咁續期定係會Cut。
信銀國際motion卡冇簽賬要求，5%額外回贈有$2,000 Quota，比較親民。但今年開始，新客戶只有頭12個月有5%回贈，而且包括埋基本0.55%，即係額外回贈變咗4.45%；仲要每月簽夠$3,000，當中嘅網上簽賬 ($2,247.19賺到上限$100) 先計。
要換里數，都有中銀i-card、建行(亞洲) eye卡同渣打亞洲萬里通萬事達卡，中銀i-card雖然有10X積分，但簽$1,111就爆，買得多的話可以用後兩者。

DBS Eminent Card (至2月28日)
基本回贈0.4%，網上簽賬6%現金回贈 (當月須累積簽賬$5,000或以上)，每月回贈上限$300；指定網上商戶額外4%，每月回贈上限$120。

信銀國際motion卡
基本回贈0.55%，網購5%回贈，每月額外回贈上限$100。

中銀i-card
10X積分，每月額外積分上限10,000分。

建行(亞洲) eye卡
5X積分，全年額外積分上限300,000分；登記「賞即飛天地」本地旅遊類或外幣網上簽賬額外2X積分，每年可獲額外積分簽賬額$50,000。

渣打亞洲萬里通萬事達卡
網上簽賬$4=1里數。

 

海外簽賬
今年旅遊唔再係DBS Eminent Card威晒，中銀旅遊賞Visa Signature卡有8%額外現金回贈，但簽賬要求高過DBS Eminent Card少少。
去台灣仍然係富邦勁，不過佢同DBS Eminent Card一樣，優惠期又係做到2月28號，未知會唔會續期。
Citi PremierMiles信用卡當月簽夠$20,000，當中海外簽賬就有$3=1里數，要瘋狂掃貨先賺得到。

中銀旅遊賞Visa Signature卡
海外簽賬8%額外現金回贈，該月本地零售簽賬3次或以上，海外簽賬單一簽賬滿$500及累積滿$6,000，每月額外回贈上限$500。

DBS Eminent Card (至2月28日)
基本回贈0.4%，外幣簽賬6%額外現金回贈 (當月須累積簽賬$5,000或以上)，每月回贈上限$300。

富邦白金卡 / Titanium卡  (至2月28日)
海外簽賬4X積分，日本、韓國額外4X積分 (推廣期內兩個登記限額，每月額外4X積分上限80,000分)，台灣20X積分 (每月額外16X積分上限80,000分，每年160,000分)。

Citi PremierMiles信用卡
$3=1里數 (當月簽賬滿$20,000)
$4=1里數 (當月簽賬未滿$20,000)

渣打亞洲萬里通萬事達卡、美國運通國泰航空尊尚信用卡、Citi Prestige信用卡、DBS Black Card
海外簽賬$4=1里數。

東亞Flyer World萬事達卡
$5=1里數。

 

八達通自動增值
用東亞Flyer World萬事達卡可以儲蓄里數，大新One+信用卡、安信EarnMORE白金卡都有1%回贈。

東亞Flyer World萬事達卡
$5=1里數。

大新One+信用卡
1%現金回贈。

安信EarnMORE白金卡
1%現金回贈。

 

網上繳費
網上繳費可以賺到基本積分，不過上年有銀行開始限制每月頭$10,000繳費先會有積分，例如匯豐、中銀。
東亞Flyer World萬事達卡比較抵，$5=1里數，不過交稅、保險、學費冇分。

東亞Flyer World萬事達卡 (交稅、保險、學費除外)
$5=1里數。

富邦白金卡 / Titanium卡  (交稅除外)
里數兌換：$15=15分=1 Asia Miles里數 
里數兌換比率：$15=1里數
回贈兌換：$1=1分，20,000=$100現金回贈 / 22,000分=$100現金回贈(3月1號起)
回贈比率：0.5% / 0.45% (3月1號起)

 

積克's Choice 必備信用卡

里數：
匯豐信用卡
渣打亞洲萬里通萬事達卡
東亞Flyer World萬事達卡
建行(亞洲)eye卡 / 中銀i-card

現金券 / 現金回贈：
匯豐信用卡
DBS Eminent Card
建行(亞洲)eye卡 / 中銀i-card / 信銀國際motion卡
富邦白金卡 / Titanium卡