買App網購賺2X積分

唔知各位習慣用咩卡做網上簽賬，有啲信用卡有網上簽賬優惠，例如現金回贈、加倍積分等等。不過有時有啲優惠要累積或者一筆過簽夠指定金額先賺到，去Google Play或者iTunes買App買歌，每次幾十蚊幾十蚊，有時都幾難達標，唔知要買幾多隻先儲得夠。

如果你經常買App，AEON呢個有網上簽賬優惠就啱晒你，經PayPal、Paydollar、Alipay、Google Play、iTunes用AEON卡全數簽賬或做免息分期，就會有2X AEON獎賞積分。去Google Play同iTunes買嘢就有得賺，去其他網站買嘢，PayPal同Alipay都係常用嘅付款方式，應該唔難食到。另外，喺AEON卡e-Mall簽賬，就有5X 獎賞積分。要賺呢兩個優惠，先要登記成為AEON網上客戶，而兩個優惠加埋每月最高可以賺25,000分，賺爆就變返賺基本積分。


即使你好少買收費App，網購又有其他更好更易賺分嘅卡，都可以喺10月20號之前，淨係登記成為AEON網上客戶，就可以賺走5,000積分迎新優惠。